U Baranavičach niečakana źjaviłasia achoŭnaja šylda na starym budynku. Taho, chto jaje paviesiŭ, šukała milicyja
Novy pomnik architektury vielmi ździviŭ miascovych krajaznaŭcaŭ i čynoŭnikaŭ.
Pra kurjozny vypadak paviedamlaje haradski partał bar24.by.
Achoŭnaja šylda źjaviłasia na adnapaviarchovym budynku na vulicy Baranava, 32 u lipieni hetaha hoda. Na joj była paznačana infarmacyja, što heta «budynak byłoha harbarnaha zavoda. 1895 h.», jaki źjaŭlajecca historyka-kulturnaj kaštoŭnaściu i achoŭvajecca dziaržavaj.
Tabličku i jaje źjaŭleńnie aktyŭna abmiarkoŭvali baranavickija krajaznaŭcy ŭ sacsietkach. Nichto nie moh adšukać nijakaj infarmacyi pra takoje pradpryjemstva ŭ hetym miescy. Pra budynak było viadoma, što jon doŭhi čas vykarystoŭvaŭsia roznymi vajennymi strukturami. A z pačatku 1990-ch hadoŭ tam raźmiaščajecca krama.
Baranavicki ekołah i krajaznaŭca Uładzimir Zujeŭ źviarnuŭsia ŭ adździeł kultury Baranavickaha harvykankama z prośbaj patłumačyć źjaŭleńnie achoŭnaj šyldy na hetym budynku. Na nastupny dzień, pa jahonych słovach, šyldu ŭžo prybrali z budynka.
Čynoŭniki taksama nie znajšli takoha budynka ŭ Dziaržaŭnym śpisie historyka-kulturnych kaštoŭnaściej Respubliki Biełaruś, nie było pra jaho infarmacyi i ŭ Baranavickim krajaznaŭčym muziei.
U adździele kultury harvykankama ŭdakładnili, što ŭstalavanaja na fasadzie achoŭnaja doška niezakonnaja.
«Pa vynikach vyšukovych mierapryjemstvaŭ, praviedzienych supracoŭnikami Baranavickaha HAUS i adździeła kultury Baranavickaha harvykankama, ustanavić asobu, jakaja maje dačynieńnie da jaje ŭstanoŭki, nie ŭdałosia. Achoŭnaja doška była apieratyŭna źniata. Va ŭłaśnika budynka pretenzij niama».
Akramia hetaha, akazałasia, što achoŭnuju došku vyrabili pa starym uzory 2006 hoda, a z 2017 hoda dyzajn achoŭnych došak u našaj krainie źmianiŭsia.
Nasamreč harbarny zavod, pabudavany ŭ 1895 hodzie, uniesieny ŭ Dziaržaŭny śpis, voś tolki nie ŭ Baranavičach, a ŭ Minsku. Harbarny zavod u Minsku raźmiaščaŭsia ŭ karpusach pa adrasie Kastryčnickaj vulicy, 19, 23, 23A, jakija siońnia ŭziatyja pad achovu.
Šylda ŭ Baranavičach vykanany pa starym uzory 2006 hoda, na joj adsutničaje vyjava dziaržaŭnaha hierba, a ŭ słova «harbarny» prapuščana pieršaja litara — «arbarny». Miarkujučy pa hetych chibach, šylda mahła być śpisanaja jak brak vytvorčaści i trapiła ŭ pryvatnyja ruki.
Na budynku harbarnaha zavoda pa Kastryčnickaj vulicy, 19 paśla niadaŭniaj rekanstrukcyi achoŭnaja šylda źnikła. Ale na starych fota jaje možna zaŭvažyć na dalnim tarcy budynka — jaje vyhlad adroźnivajecca ad toj, što niečakana ŭspłyła ŭ Baranavičach.
«Naša Niva» — bastyjon biełaruščyny
PADTRYMAĆ
Amierykancy dabilisia vyzvaleńnia Juryja Ziankoviča. Jon byŭ prysudžany da 11 hadoŭ źniavoleńnia18
Kamientary