Mikoła Papieka zavioŭ na vyhnańni pčołaŭ i adnaviŭ «Miadovuju premiju»
U 2001 hodzie paet-pčalar Mikoła Papieka, jaki žyŭ na Pružanščynie, zasnavaŭ «Miadovuju premiju». Łaŭreat premii atrymlivaŭ pud miodu. Adnak z 2020 hoda premija nie ŭručałasia, bo Mikoła Papieka byŭ asudžany pa bieraściejskaj «karahodnaj spravie». Całkam adbyŭšy svajo pakarańnie, Mikoła letaś źjechaŭ u Polšču i pasialiŭsia ŭ Biełastoku. Sioleta jon kupiŭ pčalnik, viarnuŭsia da pčalarstva i adnaviŭ svaju «Miadovuju premiju», piša Radyjo Racyja.
— Miodu nie nadta šmat ja atrymaŭ, patrebna skazać, ale miod atrymaŭ, tamu ŭ pryncypie možna i raskašelicca, možna rasščodrycca. Maja premija nie nadta surjoznaja, časam ja mahu sam vyrašać, kamu dać premiju. Mahčyma, tak i budzie. Pavinna adbycca niejkaje pasiadžeńnie, uračystaść. Ale mnie treba, kab mnie pieradali značok adpaviedny hetaj premii.
Miadovaja premija była zasnavanaja jak rehijanalnaja dla Bieraściejščyny. Ale z časam pačali źjaŭlacca łaŭreaty i pa-za miežami hetaha rehijonu. Vidavočna, i hetym razam łaŭreat nie budzie źviazany ź Bieraściejskim krajem, piša Radyjo Racyja.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ38
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary