Tusk na rumynskaj vystupiŭ u parłamiencie Małdovy i paabiacaŭ dapamohu z ustupleńniem u ES — VIDEA
20 kastryčnika ŭ krainie projdzie refierendum pa ŭstupleńni ŭ Jeŭrasajuz.
Premjer-ministr Polščy Donald Tusk u sieradu vystupiŭ u parłamiencie Małdovy, u svaim zvarocie, častkova na rumynskaj movie, jon paabiacaŭ małdavanam dapamohu z ustupleńniem u ES, paviedamlaje Newsmaker.
Tusk adznačyŭ pierśpiektyvy ŭstupleńnia Małdovy ŭ Jeŭrapiejski Sajuz. «Kožny z vas, chto byvaŭ u Polščy, moh paraŭnać, jaki vyhlad jana mieła kaliści i jaki maje siońnia. Biezumoŭna, źmieny čakajuć i Małdovu», — padkreśliŭ jon.
U toj ža čas premjer-ministr Polščy pierakanany, što rašeńnie ab ustupleńni Małdovy ŭ ES pavinien pryniać narod, a nie lidary krainy. Jon taksama zajaviŭ, što dapamoža Małdovie paskoryć praces jeŭraintehracyi, kali staršynstva ŭ Radzie ES piarojdzie ŭ Polšču.
«Dla mianie važna paskoryć hety praces i zrabić hety finał realnym. Kali vy hetaha chočacie, kali vy tak vyrašycie [na refierendumie], ja zrablu ŭsio mahčymaje, kab Jeŭropa efiektyŭna padtrymlivała vas i dapamahała vam na hetym šlachu», — paabiacaŭ Donald Tusk.
Na zakančeńnie zvarotu kiraŭnik polskaha ŭrada źviarnuŭsia da hramadzian Małdovy na rumynskaj movie.
«Vy, jak nacyja, prajavili nievierahodnaje ciarpieńnie, nastojlivaść i adkaznaść. Vy prajšli praź vielmi ciažkija vyprabavańni, ale krok za krokam budujecie sučasnuju dziaržavu. Davajcie vykarystoŭvać hetuju mahčymaść razam. Ja budu ŭ vašym rasparadžeńni. Vy zaŭsiody zmožacie raźličvać na Polšču, kali zachočacie ŭstupić u Jeŭrapiejski Sajuz», — skazaŭ premjer-ministr.
Padčas vizitu ŭ Kišynioŭ Tusk taksama vykazaŭ upeŭnienaść, što padčas polskaha staršynstva ŭ Radzie ES jeŭraintehracyja Małdovy paskorycca.
U červieni ES aficyjna zapuściŭ pieramovy ab ustupleńni z Ukrainaj i Małdovaj. 20 kastryčnika ŭ Małdovie projduć prezidenckija vybary. Adnačasova ź imi vyrašyli arhanizavać refierendum pa ŭstupleńni Małdovy ŭ ES.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary