Biełaruskaja nacyjanalnaja lidarka zavitała ŭ kramu A2 print, dzie pabačyłasia z suzasnavalnicaj prajekta, byłoj palitźniavolenaj Alesiaj Bunievič i jaje partniorkami.
Jany padzialilisia historyjaj stvareńnia kramy, raskazali, jak pracavali padčas źniavoleńnia Alesi i zmahli nie tolki zachavać, ale i raźvić biznes, paviedamlaje telehram-kanał Śviatłany Cichanoŭskaj.
Sioleta krama pačała supracoŭnictva z byłym dobraachvotnikam Alaksandram Kłačko, jaki vyrablaje pradukcyju pad ułasnym brendam «Kuś». Alaksandr pradstaviŭ Śviatłanie svaje vyraby, častka srodkaŭ ad prodažu jakich budzie nakiravanaja na dapamohu byłym dobraachvotnikam.
Alesia Bunievič, u svaju čarhu, padzialiłasia asabistym dośviedam: raspaviała pra ciažkaści žyćcia žančyn u źniavoleńni i pakazała ružovy chałat, jaki vydajecca ŭ žanočaj kałonii.
Lidarka vykazała padziaku ŭsim, chto praciahvaje pracavać nad zachavańniem biełaruskaj kultury, padtrymlivaje palitviaźniaŭ i dobraachvotnikaŭ va Ukrainie.
«Vielmi ŭtulna ŭ vas, i šmat pryhožych vyrabaŭ. Chaču pažadać vašamu prajektu pośpiechaŭ. Tak važna pakazvać, što być biełarusam i zmahacca za volnuju Biełaruś — heta nie tolki hodna, ale jašče i modna!», — skazała Śviatłana Cichanoŭskaja.
Ciapier čytajuć
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały77
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały7
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1717
Kamientary
dla mianie - nichto. Nie baču lidarstva, pahatoŭ nacyjanalnaha.