Što jość u novym handlovym centry Prizma, jaki adkryŭsia ŭ Minsku?
Novy handlova-zabaŭlalny centr Prizma znachodzicca na Partyzanskim praśpiekcie, 79, u 20 mietrach ad stancyi mietro «Partyzanskaja».
Vydańnie «Smartpres» pabyvała ŭnutry.
Tut, zdajecca, niama prablem z arandatarami. U dzień zapusku adkrytyja jašče nie ŭsie kramy, ale praktyčna ŭsia svabodnaja płošča ŭžo zaniataja: litaralna na kožnym kroku krasujucca całkam kankretnyja šyldy — ad kram kaśmietyki i techniki da roznych punktaŭ hramadskaha charčavańnia.
Na nižnim uzroŭni, naprykład, užo adkryŭsia hipiermarkiet «Hipa», kramy «5 elemient», «Podružka» i «Hałamart».
Na pieršym paviersie — apteka, krama kaśmietyki i parfumieryi «Kravt», pieršaja ŭ Biełarusi firmovaja krama Redmond, krama posudu i tavaraŭ dla doma VDOM.
Hihanckuju płošču, miarkujučy pa šyldach, zaniaŭ rasijski brend adzieńnia Gloria Jeans.
Na druhim paviersie — abutkovaja krama Vito (chutka pobač adkryjecca i «Miehatop»), krama tavaraŭ dla doma Luval.
Na trecim paviersie raźmiaścili fudkort. A taksama bačnyja šyldy Divan.by (mebla) i Askona (paduški, matracy).
U centry jość i siamiejny aktyvici-park Prizma Park na 3 tys.kv. m, jaki abjadnaŭ u sabie roznyja farmaty — ad dziciačaha łabirynta da batutaŭ i nindzia-parka.
Pa susiedstvie z parkam nieŭzabavie adkryjecca kinateatr z tryma załami roznaha ŭzroŭniu kamfortnaści. Jon zmoža źmiaščać adnačasova da 250 hledačoŭ.
Kamientary