«Ja dumaju, što my zatrymajemsia ŭ hetaj vajnie, kali tolki ja nie stanu prezidentam. Ja ŭsio zrablu», — kaža kandydat u prezidenty.
Kandydat u prezidenty ad Respublikanskaj partyi Donald Tramp u aŭtorak zajaviŭ, što Złučanym Štatam treba vyjści z vajny va Ukrainie. Na dumku Trampa, vice-prezident Kamała Charys i prezident Džo Bajden nie majuć adpaviednaha płana, piša «Hołas Amieryki».
«Bajden i Kamała ŭciahnuli nas u hetuju vajnu va Ukrainie, i ciapier jany nie mohuć nas adtul vyvieści. Jany nie mohuć nas vyvieści», — skazaŭ Tramp, vystupajučy ŭ Džordžyi. Amierykanskija vajskoŭcy nie ŭdzielničajuć u vajennym kanflikcie Ukrainy i Rasii, adnak Vašynhton daŭ Kijevu vajennuju i humanitarnuju dapamohu koštam u miljardy dalaraŭ.
«Ja dumaju, što my zatrymajemsia ŭ hetaj vajnie, kali tolki ja nie stanu prezidentam. Ja ŭsio zrablu. Ja dabjusia pieramovaŭ, ja vyjdu ź jaje. My pavinny vyjści. Bajden kaža: «My nie sydziem, pakul nie pieramožam». A što adbudziecca, kali jany [Rasija] pieramohuć?»— skazaŭ Tramp.
Demakraty prytrymlivajucca pryncypova inšaj pazicyi.
Prezident Džo Bajden, źviartajučysia ŭ aŭtorak da ŭdzielnikaŭ Hienasamblei AAN, zaklikaŭ krainy-čalcy AAN pavažać statut arhanizacyi, a nie «prosta maŭkliva stajać u baku» ŭ vypadku z rasijskaj ahresijaj suprać Ukrainy.
«Ja zaklikaju ŭsich stajać plačom da plača z Ukrainaj. Pucin prajhraje vajnu, tamu što Ukraina zastajecca svabodnaj, — zajaviŭ prezident. — Jon sprabavaŭ asłabić NATO, ale NATO siońnia bolš adzinaje, čym kali-niebudź».
Bajden zaklikaŭ krainy-čalcy AAN pradaŭžać padtrymku Ukrainy, «kab zachavać jaje svabodu».
Vybarčaja kampanija Kamały Charys apublikavała ŭ paniadziełak zajavu z krytykaj na adras Trampa z nahody jahonych vykazvańniaŭ nakont Ukrainy.
«Vice-prezident Charys razumieje, što, kali Amieryka sydzie z Ukrainy, Pucin budzie siadzieć u Kijevie, hledziačy na astatniuju Jeŭropu i našych sajuźnikaŭ u NATO», — zajaviŭ Morhan Finkielštejn, pradstaŭnik kampanii Charys u pytańniach nacyjanalnaj biaśpieki.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary