Nastu Łojku etapavali ceły tydzień dziela niekalkich chvilin dopytu ŭ sudzie
Palitźniavolenaja Nasta Łojka jak śviedka dała pakazańni na sudovym pracesie ŭ Minsku i praz etapavańnie viarnułasia ŭ kałoniju ŭ Homiel.
Pra viartańnie Nasty Łojki svajakoŭ painfarmavali listom z žanočaj kałonii № 4, dzie jana adbyvaje pakarańnie. Pra heta Radyjo Svabodzie paviedamiła krynica. Jak adbiŭsia šmatdzionny etap na stanie Nasty Łojki, jakaja raniej skardziłasia na prablemy sa zdaroŭjem, nieviadoma.
«Vyhladała ŭ sudzie, jak zvyčajna. Spatkańniaŭ joj nie dajuć, tamu choć hetak pabačyłasia sa svajakami. Z vyhladu ź joj usio narmalna», — skazała krynica pra Nastu Łojku.
U kancy vieraśnia stała viadoma, što Nastu Łojku etapujuć u Minsk dla dopytu na sudzie ŭ jakaści śviedki. Nad kim mienavita byŭ praces, na jakim musiła śviedčyć Nasta Łojka, pravaabaroncam nieviadoma.
Dopyt Nasty Łojki ŭ sudzie doŭžyŭsia niekalki chvilin, miž tym jak etapavańnie z homielskaj kałonii ŭ Minsk i nazad zaniało bolš za tydzień.
U 2023 hodzie pradstaŭnicu mižnarodnaj pravaabarončaj arhanizacyi Human constanta Nastu Łojka asudzili na 7 hadoŭ źniavoleńnia pavodle 130 artykuła Kryminalnaha kodeksa («Raspalvańnie rasavaj, nacyjanalnaj, relihijnaj ci inšaj sacyjalnaj varožaści»).
Svajoj viny Nasta Łojka nie pryznała. Sudzili pravaabaroncu na zakrytym pasiedžańni. Ułady zanieśli jaje ŭ śpisy terarystaŭ i ekstremistaŭ, a biełaruskija pravaabaroncy pryznali palitźniavolenaj.
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
-
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
-
«Kibierpartyzany» i hrupa Silent Crow zajavili pra ŭzłom Rasstata i atrymańnie danych pra vajennyja straty
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary