Paźniak pra Kaleśnikavu: Niama adkazu na pytańnie, navošta ź jaje ŭparta raskručvajuć revalucyjaniera i lidara

Zianon Paźniak piša:

«Raniej ja pisaŭ pra takuju štučna «nadźmutuju źjavu», jak Maryja Kaleśnikava, jakaja ŭ 2020 hodzie pramilhnuła paru miesiacaŭ u prarasiejskaj hrupie V. Babaryki. Uzurpatar, učapiŭšysia za ŭładu, pasadziŭ jaje razam z Babarykam u turmu i z taho času chvalami nie ścichaje arhanizavany falšyvy verchał pra «revalucyjanierku Mašu». (Mietad stvareńnia štučnych «majakoŭ» dobra viadomy ŭ palitycy i prapahandzie.)

Ja zirnuŭ u Vikipiedyju. Kaleśnikava tam jość, prytym łaŭreatam «prestyžnych premijaŭ», jakimi pierahnała navat Cichanoŭskuju, Babaryku i ŭsich inšych imitataraŭ i «nievierajatnych». Za adzin 2021 hod u jaje šeść (!) premijaŭ (plus dźvie za čatyry miesiacy 2020-ha). Vyhladaje fantastykaj. (Vydruk «uznaharodaŭ» «Mašy» z «Vikipiedyi», dumaju, ździvić šmat kaho):

• Premija imia Andreja Sacharava (2020)
• Premija imia Marcina Lutera «Biasstrašnaje słova» (2020)
• Premija fondu Hiercharta i Renaty Baum u halinie pravoŭ čałavieka (2021)
• Premija imia Lva Kopieleva za mir i pravy čałavieka (2021)
• Štutharckaja premija miru (2021)
• Mižnarodnaja žanočaja premija za advahu (2021)
• Premija imia Frytca Czokliča (2021)
• Premija pravoŭ čałavieka imia Vacłava Havieła (2021).

Adkazu na pytańnie, navošta ź nieviadomaj niepalityčnaj asoby ŭparta raskručvajuć revalucyjaniera, lidara i dziejača, pakul niama. Možna, adnak, zdahadacca, chto ŭsio toje šturchaje, kali ŭvažliva analizavać mietady KHB-FSB. Mahčyma, sapraŭdy tut stvarajecca zapasny varyjant na vypadak vypracoŭki i zychodu sa sceny S. Cichanoŭskaj.

Samo źjaŭleńnie Cichanoŭskaj ź niadkul było zroblena pa takim scenary. Vyhladaje toje praŭdapadobna i bolš taho — jano, mahčyma, jakraz syhrała z Kaleśnikavaj drenny pavarot, kali skončylisia «fitnes i kava», pačalisia chvaroby i źniknieńnie jaje z pola zroku. Hetaja źjava davoli złaviesnaja, bo chutčej za ŭsio źviazana ź psichičnymi asablivaściami Łukašenki (pra jakija nie ŭsie viedajuć).

Kali koratka — Łukašenka, vidać, zrazumieŭ (moža navat jamu «dołožili»), pra toje, što z Kaleśnikavaj robiać «padstavu». Lišnija kłopaty dyktataru nie patrebnyja. Uličyć treba jašče i asablivy skład psichiki ŭzurpatara (tut jano hałoŭnaje).

A heta značyć, što hetuju žančynu z turmy naŭrad ci vypuściać. Zdajecca, jana padvojna stała achviaraj falšyvaj palityki, jakaja praciahvajecca».

Apytanka

• 27
• 8
• 1
• 32
• 1
• 0
• 2
• 0