Kapitanam kitajskaha sudna, jakoje padazrajuć u paškodžańni kabielaŭ na dnie Bałtyjskaha mora, akazaŭsia hramadzianin Rasii
Fiederalnaja palicyja Hiermanii pačała akazvać padtrymku Finlandyi i Šviecyi ŭ rasśledavańni mahčymaj dyviersii, z-za jakoj akazalisia pierarvanyja telekamunikacyjnyja kabieli ŭ Bałtyjskim mory.
Dla dapamohi Finlandyi i Šviecyi budzie zadziejničany karabiel niamieckaj bierahavoj achovy, jaki nieŭzabavie adpravicca ŭ płavańnie, piša Bild.
U paniadziełak adrazu dva padvodnyja telekamunikacyjnyja kabieli, prakładzienyja pa dnie Bałtyjskaha mora, byli paškodžanyja.
Adzin z kabielaŭ daŭžynioj 1173 kiłamietry złučaŭ Chielsinki i niamiecki horad Rostak. Pryčyna niaspraŭnaści pakul nie jasnaja, ciapier pravodzicca rasśledavańnie.
Ministr abarony FRH Barys Pistoryus užo vykazaŭ mierkavańnie, što paškodžańnie padvodnych kabielaŭ było «naŭmysnym».
Pavodle adnoj ź viersij, kabieli mahli być abarvany spuščanym u vadu jakaram abo donnym trałam. Pad padazreńnie patrapiła kitajskaje hruzavoje sudna Yi Peng 3. Karabiel pryciahnuŭ uvahu svaimi dziŭnymi maršrutami, tamu dva sudny VMS Danii śledavali za im.
Zhodna z paviedamleńniami ŭ sacyjalnych sietkach, datčanie, pa ŭsioj vierahodnaści, naścihli Yi Peng 3 i spynili jaho. Kapitanam sudna akazaŭsia hramadzianin Rasii.
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia8080
Kamientary