38 šachiedaŭ zajšli ŭ Biełaruś za sutki — heta absalutny rekord
Minimum adzin źbity, avijacyja padnimałasia čatyry razy.
Za apošnija sutki 24—25 listapada zafiksavana jak minimum 38 zachodaŭ rasijskich dronaŭ-kamikadze typu «šachied» u Biełaruś z Ukrainy, što źjaŭlajecca absalutnym sutačnym rekordam za ŭsiu historyju manitorynhu, piša Biełaruski Hajun.
Jak minimum adzin šachied dasiahnuŭ Mazyra, byli dziasiatki prachodaŭ praz «Biełaruski kalidor», a taksama nie mienš za 3 razy šachiedy zalatali ŭ Homielski rajon, u rajon pahraničnaha pierachodu Novaja Huta.
Pieršy zachod byŭ u 13:48 24.11 u rajon Kamaryna i dalejšy vychad na Prypiać u 14:11. Dalej šachiedy zalatali ŭ Biełaruś u: 14:04, 14:30 (2ch), 14:34 (2ch), 21:56, 22:58, 23:06, 23:08, 23:30, 05:03, 05:11, 05:15, 05:29, 05:30, 05:40, 05:55 (2x), 05:55 (3x), 06:28 (4x), 06:30, 07:10, 07:24, 07:53, 07:55 (2x), 07:55 (2x), 08:08 (2x), 08:39 (2x), 08:49 (2x).
Varta adznačyć, što šachied, jaki zalacieŭ z Prypiaci ŭ Biełaruś u 23:08, dalej nakiravaŭsia ŭ Naroŭlu i da 00:05 dasiahnuŭ pryharada Mazyra. Dalejšaja jaho dola — nieviadomaja. Nie vyklučana, što mienavita jon byŭ źbity siłami SPA kala 01:00.
Za apošnija sutki dziažurnaja avijacyja VPS RB padnimałasia i latała na paŭdniovy ŭschod krainy 4 razy: z 15:20 da 16:30, z 23:40 da 01:30, z 07:00 da 09:00 i z 09:00 da 10:30.
Siarod 38 zafiksavanych zachodaŭ dakładna paćvierdžana viartańnie ŭ pavietranuju prastoru Ukrainy tolki 9. Pavietranyja siły USU paviedamili, što pavodle ich danych, łakalna byli stračany 71 BPŁA, i 1 dakładna palacieŭ u Biełaruś.
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3535
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha35
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary