Chłopiec, jakoha abvinavačvajuć u zhvałtavańni i zabojstvie biełaruski ŭ Varšavie, pryznaŭ vinu častkova
Na sudovym pasiadžeńni Dorjan S. pryznaŭ vinu ŭ zhvałtavańni i zajaviŭ, što zabivać dziaŭčynu nie chacieŭ, piša Biełsat.
U akruhovym sudzie Varšavy pačaŭsia sud u spravie ab zhvałtavańni i zabojstvie biełaruski Lizy ŭ centry polskaj stalicy ŭ lutym 2024 hoda. Na pasiadžeńni pačaŭ pramaŭlać abvinavačany — 23-hadovy Dorjan S.
Stałasia viadoma, što jon skončyŭ himnaziju i bolej nidzie nie vučyŭsia. Jon nie maje prafiesii, nie pracavaŭ, nie mieŭ prybytku. Raniej prachodziŭ lačeńnie ad užyvańnia narkotykaŭ.
Maładzion pryznaŭ vinu ŭ zhvałtavańni, ale zapeŭniŭ, što zabivać dziaŭčynu nie chacieŭ. Jon raskazaŭ sudu, što musiŭ zapłacić 1600 złotych za kvateru (u pieraliku kala Br 1380), a hrošaj nie było.
Dorjan chacieŭ abrabavać kramu ci bar, pajšoŭ na złačynstva z bałakłavaju i nažom. U adnym z baraŭ zaŭvažyŭ ukraincaŭ, dumaŭ ich abakraści, ale ŭ vyniku trapiŭ na Lizu.
Abvinavačany taksama skarystaŭsia pravam adkazvać tolki na pytańni abarony, z ułasnaj inicyjatyvy raskazvać što-kolviek admoviŭsia.
Sudovy praces pačaŭsia va ŭmovach uzmocnienych zachadaŭ biaśpieki. Palicyja nie vyklučaje pravakacyjaŭ i sprobaŭ napadu na abvinavačanaha.
Złačynstva ŭ centry Varšavy adbyłosia ŭ noč na 25 lutaha. Pavodle śledstva, Dorjan S. zhvałtavaŭ biełarusku i namahaŭsia zadušyć. Dziaŭčynu špitalizavali ŭ krytyčnym stanie, praz 6 dzion jana pamierła.
-
«Taksist mieŭ racyju». Maładyja pradprymalniki raspaviali, što tarmozić ich nievialikija biznesy
-
Sajt «Lusterka» atakujuć druhi dzień z-za artykuła, što Ofis Cichanoŭskaj prapanavaŭ kruhły stoł z Łukašenkam
-
Łukašenka zajaviŭ pra patrebu palapšeńnia adnosin z Zachadam «dla razboru zavałaŭ», jakija «pieraškadžajuć našaj pracy na suśvietnych rynkach»
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary