Siadzibu va Ušackim rajonie zabrali ŭ byłych ułaśnikaŭ i ciapier pradajuć iznoŭ za biescań
Papiaredni haspadar nie zdoleŭ ničoha zrabić z histaryčnaj siadzibaj Hrabnickich, pabudavanaj u XIX stahodździ.
Siadzibny dom u Arechaŭnie znoŭ vystaŭleny na prodaž, pra heta paviedamlaje «Viciebskabłmajomaść».
Siadziba była pabudavana ŭ 1840-ja pradstaŭnikami rodu Hrabnickich u styli poźniaha kłasicyzmu. Apošnimi jaje ŭładalnikami pierad revalucyjaj stali syny znakamitaha batanika Adama Hrabnickaha-Daktaroviča.
Ujezd u siadzibu ŭpryhožvała lipavaja aleja, soniečny hadzińnik i malaŭničy park sa skulpturami. U majontku Hrabnickich pracavali pałatnianaja fabryka, paravy młyn, brovar, kuźnia i koniezavod. U 1917 hodzie ŭładalniki byli vymušanyja pakinuć siadzibu, dom i haspadarčyja pamiaškańni byli razrabavanyja.
U 1943-1944 hadach u siadzibnym domie raźmiaščaŭsia špital 2-j Ušackaj partyzanskaj bryhady imia Panamarenki, paśla vajny — škoła. U 1998 hodzie budynak na bierazie voziera Arechaŭna znoŭ apuścieŭ i chutka pryjšoŭ u zaniapad: ź jaho vynieśli ŭsio, až da batarej i akonnych ram.
Z 2014 hoda historyka-kulturnuju kaštoŭnaść biezvynikova sprabavali pradać za niekalki dziasiatkaŭ tysiač jeŭra. U lipieni 2020 hodzie siadzibu Hrabnickich narešcie vykupiła ŭsiaho za 28,35 rubla pryvatnaje pradpryjemstva «Aziory-Ahra», zarehistravanaje ŭ Minsku, jakoje zajmajecca sielskaj haspadarkaj i śpiecyjalizujecca na raślinavodstvie.
U płanach było ŭznavić raniejšyja interjery budynki, sabrać artefakty dla muzieja, uładkavać kafe dla haściej kompleksu, ale ažyćciavić zadumanaje nie atrymałasia.
U 2021 hodzie Tavarystva achovy pomnikaŭ historyi i kultury źviarnułasia da Hienieralnaj prakuratury, bo budaŭniča-mantažnyja i ziamielnyja pracy na siadzibie ŭ Arechaŭnie pravodzilisia biez uzhodnienaj navukova-prajektnaj dakumientacyi i biez zaćvierdžanaha prajekta zon achovy, što źjaŭlajecca parušeńniem zakonu.
Hałoŭnaj umovaj aŭkcyjonaŭ pa prodažy historyka-kulturnych kaštoŭnaściej źjaŭlajecca toje, što novy ŭłaśnik pavinien pravieści ramontna-restaŭracyjnyja raboty za niekalki hod. Uletku 2024 hoda adviedzieny na heta čatyrochhadovy termin minuŭ, a siadziba navat nie nabliziłasia da adnaŭleńnia.
Siadziba Hrabnickich viarnułasia ŭ dziaržaŭnuju ŭłasnaść. Jaje znoŭ chočuć pradać za adnu bazavuju vieličyniu — ciapier heta 40 rubloŭ. Pry hetym «Viciebskabłmajomaść» aceńvaje rynkavy košt nieruchomaści ŭ 301 000 rubloŭ. Acenka pravodziłasia jašče ŭ pačatku viasny.
Pa ŭmovach prodažu pakupnik pavinien budzie adnavić siadzibu za try hady.
«Naša Niva» — bastyjon biełaruščyny
PADTRYMAĆKrajaznaŭcy Žodzina pakazali, jak razburajecca Bahusłaŭ Pole — miesca, dzie pačałasia historyja horada
Karaleŭskuju siadzibu Paniatoŭskaha ŭ Hrodnie pradajuć tańniej za staruju adnapakajoŭku
U Biełarusi pradajuć budynki siadziby rodu VKL, dzie ŭ svoj čas pracavaŭ nastaŭnikam Janka Kupała. Kolki prosiać?
Znoŭ sprabujuć pradać z aŭkcyjona pałac u Žałudku na Ščučynščynie
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary