Kanapackaja: Dziaržaŭnyja ŚMI paroŭnu aśviatlajuć pracu ŭsich kandydataŭ u prezidenty
Pra heta zajaviła žurnalistam pretendent u kandydaty na prezidenckuju pasadu Hanna Kanapackaja. Siońnia jana padała ŭ CVK dakumienty dla rehistracyi kandydatam, piša BiełTA
«Ja, napeŭna, maju pieravahu pierad mnohimi kandydatami, bo druhi raz prachodžu hety šlach. Pierakananaja, što kolkaść podpisaŭ, jakija my sabrali i padali ŭ CVK, adpaviadaje patrabavańniam, jakija pradjaŭlaje Vybarčy kodeks. Siońnia ja padała poŭny pakiet dakumientaŭ, jaki patrabujecca, — raspaviała Hanna Kanapackaja. — Ja razumieju, što pamyłki niepaźbiežnyja, tamu my padali bolš patrebnych 100 tys.podpisaŭ».
CVK pryniaŭ dakumienty dla rehistracyi Kanapackaj kandydatam u prezidenty Biełarusi, jana nazyvajecca indyvidualnym pradprymalnikam.
Pavodle jaje słoŭ, hramadzianie dobra infarmavanyja pra etapy vybarčaj kampanii.
«Hetym razam ja padziakuju žurnalistam dziaržaŭnych ŚMI, bo vy sapraŭdy dobra i jakasna vykonvali svaju pracu. Vy sapraŭdy roŭnym čynam aśviatlali pracu ŭsich pretendentaŭ, usich asob, jakija majuć namier vyłučycca kandydatam u prezidenty. Mnie było lohka z vami pracavać, vy zaŭsiody imknulisia vykonvać patrabavańni dziejučaha zakanadaŭstva. I sama ŭłada ŭ tym liku rabiła ŭsio mahčymaje dla pryciahnieńnia hramadzian da ŭdziełu ŭ hetaj elektaralnaj kampanii», — dapoŭniła Hanna Kanapackaja.
Raniej dakumienty na rehistracyju padali Siarhiej Syrankoŭ, Alaksandr Chižniak i Aleh Hajdukievič.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
Viedaje ž, što joj potym nichto ruki nie padaść.