Prezident Ukrainy Uładzimir Zialenski zajaviŭ, što ŭkrainskaje vojska nie moža svaimi siłami viarnuć Krym i Danbas. Ab hetym jon skazaŭ u intervju francuzskaj haziecie Le Parisien, piša «Mieduza».
Vydańnie spytała ŭ Zialenskaha, na jakija kampramisy jon hatovy pajści, kab zaviaršyć vajnu. «[Hatovy] addać Krym ci Danbas, chacia b časova?» — spytała žurnalistka haziety.
Zialenski adkazaŭ:
«My nie možam addać našyja terytoryi. Kanstytucyja Ukrainy zabaraniaje nam heta rabić. De-fakta hetyja terytoryi zaraz kantralujuć rasijanie. U nas niama siły, kab viarnuć ich. My možam raźličvać tolki na dypłamatyčny cisk z boku mižnarodnaj supolnaści, kab prymusić Pucina sieści za stoł pieramovaŭ».
Taksama ŭ Zialenskaha spytali, ci hatovy jon sieści za adzin stoł pieramoŭ z Uładzimiram Pucinym. «Važna nie toje, chto siadzić nasuprać. Važna, u jakim stanie vy znachodziciesia, kali viadziecie pieramovy. Ja nie dumaju, što my znachodzimsia ŭ słaboj pazicyi, ale i ŭ mocnaj my taksama nie znachodzimsia. Ci budziem my ŭ NATA? My nie viedajem. Ci budziem my častkaj Jeŭrapiejskaha sajuza? Tak, u budučyni, ale kali?» — adkazaŭ jon.
«Sieści za stoł pieramoŭ z Pucinym u takich umovach aznačała b dać tamu prava vyrašać usio ŭ našaj častcy śvietu. Spačatku nam treba raspracavać madel, płan dziejańniaŭ abo mirny płan — nazyvajcie jak chočacie. Tady my zmožam pradstavić jaho Pucinu ci, u šyrejšym sensie, rasijcam», — dadaŭ jon.
Zialenski padkreśliŭ, što nivodny suśvietny lidar «nie maje prava vieści pieramovy z Pucinym biez Ukrainy». «My nikomu nie delehavali hety mandat. My — achviary», — zajaviŭ Zialenski.
Ułady Ukrainy, pa danych krynic WSJ, u śniežni pačali pieramovy ab spynieńni rasijska-ŭkrainskaj vajny z kamandaj abranaha prezidenta ZŠA Donalda Trampa, jaki nieadnarazova kazaŭ, što hatovy chutka zaviaršyć hety kanflikt.
Zialenski 7 śniežnia sustreŭsia z Trampam u Paryžy. Paśla pieramoŭ u Paryžy Tramp zaklikaŭ baki spynić ahoń i pačać pieramovy.
Ukrainskaje MZS paviedamiła, na jakija pieramovy i harantyi Minsk maje prava pretendavać
Kavaleŭski: Intaresy Biełarusi ŭ mirnych pieramovach pa Ukrainie nielha ihnaravać
Jarmak: Dla pieramovaŭ z Rasijaj patrebnyja harantyi
Tramp vystupaje za raźmiaščeńnie jeŭrapiejskich vojskaŭ va Ukrainie dla kantrolu nad budučym pieramirjem
«Rasija nikoli nie spynicca — jaje možna tolki rabić słaboj». Vialikaja hutarka z kamandziram kalinoŭcaŭ Paŭłam Šurmiejem
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
A ŭvohule dobra, što farmulouki stanoviacca bolš ćviarozymi, heta daje peŭnuju nadzieju na lepšy vynik.