Słavacki premjer zajaviŭ, što Zialenski prapanavaŭ jamu 500 miljonaŭ jeŭra za padtrymku členstva Ukrainy ŭ NATA
A hrošy mierkavałasia ŭziać z rasijskich aktyvaŭ, piša Ukrainskaja praŭda sa spasyłkaj na Politico.
Robiert Fica śćviardžaje, što padčas sustrečy ź Zialenskim na samicie Jeŭrapiejskaha Sajuza jany abmiarkoŭvali finansavyja straty Słavakii praz spynieńnie tranzitu rasijskaha hazu.
«Fica skazaŭ, što paśla taho, jak jon paviedamiŭ Zialenskamu, što Słavakija moža hublać blizu 500 miljonaŭ jeŭra płaty za tranzit hazu ŭ hod, ukrainski prezident «spytaŭ mianie, prahałasavaŭ by ja tady za siabroŭstva ŭ NATO, kali jon daść mnie 500 miljonaŭ jeŭra rasijskich aktyvaŭ, i, viadoma, ja skazaŭ: «Nikoli», — kaža Fica.
Fica zajaviŭ žurnalistam, što prapanovy Zialenskaha zroblenyja za začynienymi dźviaryma, źjaŭlajucca «absurdnymi», i vykazaŭ zdahadku, što Ukraina dazvoliła sabie nanieści škodu ekanomicy čalca ES.
«My vidavočna sutykajemsia z hazavym kryzisam dziakujučy prezidentu Zialenskamu», — skazaŭ premjer Słavakii padčas pres-kanfierencyi napiaredadni samitu, nie ŭdakładniajučy, što maje na ŭvazie.
Ciapier čytajuć
Piać dzion, 60 udzielnikaŭ, saŭna, biljard i kryki adno na adnaho. Raskazvajem, jak prajšła zakrytaja «hulnia Mackieviča»57
Kamientary