U pieradnavahodnija dni i navahodniuju noč u Biełarusi prahnazujecca ciopłaje nadvorje z daždžami i tumanam.
Papiarednie, stanoŭčaja tempieraturnaja anamalija, jakaja pa krainie składaje 1-4 hradusy, u bližejšyja dni budzie tolki pavialičvacca. Apadki znoŭ buduć iści ŭ asnoŭnym u vyhladzie daždžu, miescami — z mokrym śnieham, raskazali ŭ Biełhidramiecie, pieradaje Biełta.
U piatnicu, 27 śniežnia, pa respublicy projduć nievialikija apadki (u asnoŭnym doždž). U asobnych rajonach moža być tuman, na darohach hałalodzica. Tempieratura pavietra nočču ad minus 1da plus 5 hradusaŭ, maksimalnaja dniom — 1-6 hradusaŭ ciapła.
U subotu, 28 śniežnia, na bolšaj častcy terytoryi krainy čakajucca karotkačasovyja apadki (doždž, mokry śnieh). U asobnych rajonach prahnazujucca słabyja tuman i hałalod. Tempieratura pavietra na praciahu sutak — ad nula da plus 6 hradusaŭ.
U niadzielu, 29 śniežnia, u mnohich rajonach respubliki projduć nievialikija karotkačasovyja daždžy i mokry śnieh. Tempieratura pavietra na praciahu sutak — ad minus 1 da plus 5 hradusaŭ.
U paniadziełak, 30 śniežnia, miescami pa krainie čakajucca karotkačasovyja apadki (doždž, mokry śnieh), słaby hałalod. U dzionny čas miescami ŭzmocnicca viecier paryvami 15-20 m/s. Tempieratura pavietra nočču — ad minus 2 da plus 4 hradusy, dniom — ad nula da 6 hradusaŭ ciapła.
«Pa papiarednich prahnozach, u apošni dzień adychodziačaha hoda i ŭ pieršy dzień 2025 hoda ŭ Biełarusi zachavajecca ciopłaje nadvorje. Dniom 31 śniežnia pa respublicy tempieratura pavietra składzie minus 1 — plus 5 hradusaŭ. U navahodniuju noč słupki termomietraŭ pakažuć ad minus 3 da plus 2 hradusaŭ. Pry hetym biez apadkaŭ nie abydziecca. 31 śniežnia i 1 studzienia dyskamfortu dadaść mocny paryvisty viecier», — raspaviali sinoptyki.
U sieradu, 1 studzienia, miescami pa krainie čakajucca karotkačasovyja apadki (mokry śnieh, doždž). Miescami prahnazujecca ŭzmacnieńnie vietru paryvami 15-20 m/s. Tempieratura pavietra minimalnaja nočču składzie ad minus 3 da plus 2 hradusaŭ, dniom — minus 1 — plus 5 hradusaŭ.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary