Servis spyniŭ pracu ŭ ZŠA. Pry sprobie adkryć dadatak karystalniki bačać paviedamleńnie ab niedastupnaści sacsietki.
«U ZŠA pryniaty zakon, jaki zabaraniaje TikTok. Na žal, vy pakul nie možacie vykarystoŭvać TikTok. Nam pašancavała, što prezident Tramp daŭ zrazumieć, što budzie pracavać z nami nad rašeńniem pa adnaŭleńni TikTok, jak tolki ŭstupić u pasadu. Kali łaska, sačycie za abnaŭleńniami», — havorycca ŭ paviedamleńni kampanii.
Raniej abrany prezident ZŠA Donald Tramp paviedamiŭ, što vyrašyć prablemu sacsietki paśla inaŭhuracyi.
Napiaredadni Viarchoŭny sud ZŠA pryznaŭ kanstytucyjnym zakon, jaki zabaraniaje dadatak u ZŠA, kali ŭładalnik TikTok, kitajskaja kampanija ByteDance, nie pradaść płatformu amierykanskamu pakupniku da 19 studzienia. ByteDance admoviłasia šukać pakupnika.
U svaju čarhu, pradstaŭniki TikTok zajavili, što pry adsutnaści harantyj z boku ŭładaŭ adklučać servis dla karystalnikaŭ z ZŠA ŭžo ŭ niadzielu, 19 studzienia.
Zaŭtra, 20 studzienia, adbudziecca inaŭhuracyja Donalda Trampa.
TikTok stanie sponsaram viečaryny z nahody inaŭhuracyi. Kampanija vydatkavała na heta 50 tysiač dalaraŭ.
Čakajecca, što hienieralny dyrektar TikTok Šou Czy Ču prymie ŭdzieł u cyrymonii inaŭhuracyi. Na mierapryjemstva taksama zaprasili Marka Cukierbierha, Iłana Maska i Džefa Biezasa.
Ciapier čytajuć
Mackievič: Cichanoŭskuju źniać, zamianić, pieraabrać nielha. Nie mučajciesia. Nielha — i ŭsio47
Kamientary
Cyrk na drocie. Kino i niemcy. Tramp i cik-tok.
(Ech, "iakuju krainu zhubili" (zaraz pra ZŠA). Voś tak jon typa zmahajecca z kitajskim upłyvam.)