Akcyi suprać pryznańnia vybaraŭ Łukašenki prajšli ŭ roznych krainach
Sioletniaja vybarčaja kampanija prychodziła va ŭmovach, kali sotni ludziej znachodziacca za kratami za svaju palityčnuju pazicyju. Vykazacca suprać režymu Łukašenki — značyć trapić pad represii. Vybary ŭ takich umovach nielha ličyć svabodnymi.
Niekalki akcyj ładzili biełarusy ŭ Polščy. U Varšavie prajšoŭ marš z 330-mietrovym bieł-čyrvonym-biełym ściaham.
U Biełastoku biełarusy z ukraincami praviali akcyju pamiaci hierojaŭ. U skviery Volnaj Biełarusi, nasuprać kansulata Biełarusi, prajšła akcyja pamiaci tych, chto addaŭ svajo žyćcio za svabodu i hodnaść Ukrainy i Biełarusi.
«Heta tolika našaj daniny pamiaci tym biełarusam jakija zahinuli za svabodu Ukrainy, za svabodu Biełarusi, vajaram, jakija svajoj kryvioj zmyvajuć hańbu, ŭ jakuju ciahnie biełarusaŭ režym. Ź vialikim honaram, my uzhadali zahinuŭšych i tych mužnych biełarusaŭ, jakija sa zbrojaj u rukach zmahajucca pobač z ukraincami», — kažuć udzielniki akcyi.
Svoj pratest vykazali taksama biełarusy va Urocłavie.
A ŭ Ščecinie praviali «zabieh prusakoŭ».
«U hety dzień u Aŭstralii pravodziacca prusačynyja zabiehi. A «ŭłady» Biełarusi z hetaj nahody vyrašyli pravieści svaje. Bo vybarami hetaje niezrazumiełaje štości nazvać nielha. Adna tolki roźnica: na biahach prusakoŭ u Bryśbienie pieramožca zaŭčasna nieviadomy. A na biełaruskich zabiehach prusakoŭ «pieramožca» viadomy zaŭčasna», — iranizuje dyjaspara.
U stalicy Litvy Vilni taksama prajšła akcyja suprać pryznańnia vybaraŭ. Padčas jaje simvaličnyja biuleteni z Łukašenkam apuścili ŭ šrodar.
U Kłajpiedzie raskazvali pra situacyju ŭ Biełarusi.
«Turma abo vyhnańnie — heta vyprabavańni na šlachu niezaležnych kandydataŭ u prezidenty», — napisali jany na płakatach pa-litoŭsku.
Na adzinočnyja pikiety ci akcyi vychodzili taksama biełarusy ŭ Šviejcaryi, Vialikabrytanii, Ukrainie, Čechii.
-
«Hety chłopiec, vidać, padasłany — u jaho boty načyščanyja»: Sieviaryniec raskazaŭ historyju źjaŭleńnia Daškieviča ŭ «Maładym froncie»
-
«Ja ciapier całkam inšy čałaviek». Piśmieńnica Śviatłana Kurs pra rak i svaju fiłasofiju žyćcia
-
Žonka adhavorvała padpałkoŭnika DFR brać chabary, a toj kazaŭ «atrymaju pałkoŭnika — i na piensiju»: pieršaja piensija pryjšła ŭžo na aryštancki rachunak
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak11
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1515
Kamientary
Žyvie Biełaruś!