U Vialikabrytanii navučylisia amal całkam adnaŭlać lityj i hrafit z vykarystanych batarej elektramabilaŭ
Novy mietad moža pieraviarnuć usiu industryju elektramabilaŭ, stvarajučy zamkniony cykł vytvorčaści batarej i istotna źnižajučy zaležnaść kampanij ad impartu redkich mietałaŭ.
Kampanija Altilium, jakaja znachodzicca ŭ Vialikabrytanii, dabiłasia značnych pośpiechaŭ u pierapracoŭcy batarej dla elektramabilaŭ, amal całkam viartajučy ź ich klučavyja redkaziamielnyja mietały, paviedamlaje navukovy partał Interesting Engineering.
Heta stała mahčymym dziakujučy aŭtarskaj technałohii EcoCathode, jakaja zmahła adnavić z «čornaj masy» (sumiesi mietałaŭ i inšych materyjałaŭ, jakaja zastajecca paśla drabnieńnia batarej) bolš za 97% lityja i 99% hrafitu. Mietad byŭ paśpiachova aprabavany na lityj-žaleza-fasfatnych (LFP) i nikiel-marhaniec-kobaltavych (NMC) batarejach — samych raspaŭsiudžanych u industryi elektramabilaŭ, adznačaje brytanskaja kampanija Altilium.
U abodvuch vidach batarej lityj i hrafit źjaŭlajucca klučavymi kampanientami. Lityj patrebny dla vytvorčaści katodaŭ, dzie adbyvajucca reakcyi zachoŭvańnia i vyzvaleńnia enierhii, zabiaśpiečvajučy batarejam vysokuju jomistaść i daŭhaviečnaść. A hrafit — heta asnoŭny materyjał dla stvareńnia anodaŭ, druhoj važnaj častki batarei, jakaja adkazvaje za jaje stabilnuju pracu i vysokuju chutkaść zaradki.
Aproč hetaha, kampanija Altilium pakazała niadrennyja vyniki ŭ adnaŭleńni takich vysokakaštoŭnych mietałaŭ, jak nikiel, marhaniec i kobalt (pry pierapracoŭcy NMC-batarej), što ŭ sukupnaści z amal idealnymi pakazčykami pa lityi i hraficie demanstruje vialikuju ekałahičnuju i kamiercyjnuju vyhadu ad vykarystańnia technałohii EcoCathode.
Novy mietad nie tolki značna źnižaje kolkaść škodnych adkidaŭ ad batarej, ale i nabližaje śviet da stvareńnia zamknionych cykłaŭ vytvorčaści akumulataraŭ dla elektramabilaŭ (amal poŭnaha samazabieśpiačeńnia resursami), što dazvolić kampanijam u halinie pazbavicca ad zaležnaści ŭ imparcie redkaziamielnych mietałaŭ.
Materyjał dla lepšaha zachavańnia enierhii znajšli ŭ niečakanym miescy
Indaniezijskija daśledčyki prydumali, jak vykarystoŭvać kavavuju hušču ‒ rabić akumulatary dla elektramabilaŭ
Da 2050 hoda soniečnaja enierhija maje stać asnoŭnaj krynicaj elektraenierhii. Čamu heta važna
Najnoŭšaja madel elektramabila Zeekr pakazała suśvietny rekord pa chutkaści zaradki
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary