4,972% — voś čamu heta samaja važnaja ličba niamieckich vybaraŭ
«Sajuz Sary Vahienkniecht» — u pralocie, heta adkryje niekalki važnych mahčymaściej dla budučaha ŭrada.
«Sajuz Sary Vahienkniecht» nabiraje 4,972% i taki nie pierasiakaje piacipracentny barjer. Dla traplańnia ŭ Bundestah hetaj partyi nie chapiła kala 13 000 hałasoŭ.
Hety fakt moža być vielmi važnym dla budučyni Jeŭropy — i Biełarusi.
Nie tolki tamu, što mima bundestaha pralacieła samaja prarasijskaja partyja. Ale i z praktyčnych pryčyn.
Pa-pieršaje, u novym Bundestahu kanstytucyjnaja bolšaść budzie ŭ partyj, jakija vystupajuć za źmienu kanstytucyi ŭ punkcie, jaki dazvolić pavysić płanku dziaržzapazyčanaści. A heta krytyčna važna zaraz, kab spynić Rasiju. Bo inšaha sposabu prafinansavać rost vydatkaŭ na abaronu niama. Kali b «Alternatyva dla Hiermanii» i Błok Sary Vahienkniecht nabrali bolš hałasoŭ, samaabarona Jeŭropy była b pad pahrozaj.
Pa-druhoje, kali b Sara prajšła ŭ parłamient, dla stvareńnia ŭrada patrebnyja byli b try partyi, a nie dźvie. A heta zaciahnuła b praces, i realizacyja abaronnych inviestycyj pačałasia b paźniej.
I pa-treciaje, kaalicyja chadekaŭ i sacdemaŭ moža zamachnucca na vielmi važny krok dla enierhietyki: admianić rašeńnie ab zakryćci atamnych stancyj. Mienavita paśla zakryćcia AES Niamieččyna zrabiłasia zaležnaj ad rasijskaha hazu. Kali ich adkryć, patreba Jeŭropy ŭ hazie źnizicca istotna, i Maskva nie zmoža šantažavać resursami.
Tak časam małaja kropla robicca krytyčna važnaj.
Kali Jeŭropa, jak stavić zadačaj Mierc, stanie niezaležnaj ad ZŠA ŭ płanie abarony, jana stanie macniejšaj. Heta ŭ intaresach Biełarusi.
Zarabiŭ, viarnuŭsia, pieramoh. Chto taki Frydrych Mierc, jaki stanie novym kancleram Hiermanii
U Hiermanii abviaścili vyniki vybaraŭ u Bundestah
«Alternatyva dla Hiermanii», jakaja vystupaje suprać mihrantaŭ, pieramahaje va Uschodniaj Hiermanii, dzie i tak amal niama mihrantaŭ
Novym kancleram Niamieččyny stanie Frydrych Mierc
Kamientary
Ab sajuje zrazumieła usim Sychod svdema ministra ad Šolca vyklikał kryzis.Usiu historyju svdemy to da " SD" to da CHDS/CHSS prymušali z saboj ličycca " prylipały" ad palityki .