Pavodle ekzitpołaŭ, praviedzienych na vychadzie z vybarčych učastkaŭ, na daterminovych vybarach u Bundestah tracinu hałasoŭ vybarščykaŭ nabiraje błok CHDS/CHSS. Na druhim miescy — «Alternatyva dla Hiermanii»
Pra toje, što na vybarach lidziruje błok CHDS/CHSS, paviedamlajuć telekanały ARD i ZDF, spasyłajučysia na vyniki ekzitpołaŭ, praviedzienych 23 lutaha.
Pavodle ARD, za błok CHDS/CHSS prahałasavali 29% vybarščykaŭ, a ZDF aceńvaje ich padtrymku ŭ 28,5%.
Na druhim miescy raźmiaściłasia ŭltrapravaja «Alternatyva dla Hiermanii» (AfD), jakaja atrymlivaje ad 19,5% da 20% hałasoŭ. Heta značna mienš taho, na što raźličvała partyja.
Zhodna z ekzitpołami, u parłamient taksama prachodziać:
- Sacyjał-demakratyčnaja partyja Hiermanii (SPD) — ad 16% da 16,5%
- Sajuz 90 / Zialonyja (Grüne) — ad 12% da 13,5%
- Levaja partyja (Die Linke) — ad 8,5% da 9%
Kab atrymać pradstaŭnictva ŭ Bundestahu, partyi pavinny nabrać nie mienš za 5% hałasoŭ.
Pavodle prahnozu telekanała ARD, prarasijski «Sajuz Sary Vahienkniecht» i SvDP nie prachodziać u Bundestah.
Kančatkovyja vyniki buduć apublikavanyja paśla aficyjnaha padliku hałasoŭ.
Ina Kulej: Milinkievič pieramoh śmierć, ale šlach da poŭnaha adužańnia niablizki4
Kamientary
Pravał levaj Sary Vahienkniecht i Svdiemakrataŭ pryjemnaja navina
U Sv D paśla ab́jadnańnia uvajšli parcii hdr bieź lustracyi)))
Ranicaj daviedajemsia..2ch ci 3 ch parcijnaja kaalicyja .