Z 1 krasavika ŭstupajuć u siłu novyja praviły pa płatnych padpiskach ad mabilnych apierataraŭ
Padrabiaznaści na pres-kanfierencyi ŭ Minsku raspaviała načalnica ŭpraŭleńnia abarony pravoŭ spažyŭcoŭ i kantrolu za rekłamaj Ministerstva antymanapolnaha rehulavańnia i handlu Ina Haŭrylčyk, piša Blizko.by.
Havorka idzie pra rassyłku biełaruskimi mabilnymi apieratarami prapanoŭ ab padpiscy na roznyja servisy abo pasłuhi.
— Prychodzić pryhožaja spasyłka, vielmi łakaničnaja — usiaho dźvie radki, u jakich havorycca, što jość cudoŭny resurs, na jaki možna padpisacca. Abanient prosta adkryvaje spasyłku, hladzić, zakryvaje — kali jamu niecikava, i zabyvajecca pra heta.
Ale akazvajecca, što jon užo padpisaŭsia na pasłuhu, i hrošy śpisvajucca. Daviedajecca ž spažyviec pra heta tolki tady, kali bačyć u svaim bałansie niezrazumiełyja śpisańni.
Vyjavić, kali i dzie heta adbyłosia, vielmi składana. U vyniku spažyŭcy kažuć, što nijakich dziejańniaŭ nie ździajśniali — tolki adkryli spasyłku i zakryli, bo pasłuha im nie patrebnaja.
Tamu MARH ciapier adpracoŭvaje ŭsie zvaroty, jakija ŭ nas jość na hetuju temu, pacichu hrošy viartajucca, ale prablemu treba było vyrašać sistemna, — tłumačyć sutnaść pytańnia Ina Haŭrylčyk.
Raniej MARH nakiravaŭ svaje prapanovy ŭ Ministerstva suviazi Biełarusi. — Paśla hetaha byli skarekciravany praviły akazańnia pasłuh elektrasuviazi. Z 1 krasavika dziejańnie pa padpiscy na płatnuju rassyłku pavinna być dakładna zafiksavana.
Kali spažyviec ździajśniaje dziejańnie, jon pavinien razumieć, što jamu prapanujuć. Tamu z 1 krasavika adznaka pra zhodu na płatnuju padpisku pavinna być śviadomaj.
Heta budzie zabiaśpiečvacca nastupnymi sposabami:
- adznakaj u asabistym kabiniecie;
- nakiravańniem USSD-zapytu abo SMS-paviedamleńnia;
- vykarystańniem elektronnaha ličbavaha podpisu;
- padačaj zajavy ŭ servisnym centry apieratara ad abanienta.
Tolki paśla hetaha čałaviek budzie dakładna razumieć, na što jon padpisvajecca.
— A to tut apieratary, mała taho, što voś heta było parušeńniem, jany pajšli jašče dalej — pačali prapanoŭvać płatnuju pasłuhu pa kantroli za takimi padpiskami, — skazała Ina Haŭrylčyk.
U MARH ličać, što taki padychod — naviazvańnie płatnych pasłuh biełarusam.
— Naviazvańnie ŭ nas nie dapuskajecca, tamu rasceńvaju heta, jak dobruju navinu dla spažyŭca, budziem aceńvać, jak novaŭviadzieńni buduć pracavać z 1 krasavika, — skazała pradstaŭnica MARH.
Ciapier čytajuć
Hałyhina prymusili apraŭdvacca za zvarot da siłavikoŭ u 2020-m2
Hałyhina prymusili apraŭdvacca za zvarot da siłavikoŭ u 2020-m
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
Temie na forumie anłajniera pra padman z padpiskami bolš za 13 hod, z 2011 h. A samoj prablemie - stolki ž, kolki mabilnaj suviazi ŭ Biełarusi.
Prajšli dziesiacihodździ machlarstva i padmanu ludziej. Nichto z mabilnych apierataraŭ navat nie dumaŭ pra svaju reputacyju, zarablali hrošy. MART pisaŭ adpiski. A rašeńnie było zaŭsiody vidavočnym.