Bajkiery vyjechali z Maskvy. Jany chočuć adznačyć 9 Maja kala savieckaha miemaryjała ŭ Treptaŭ-parku, piša Bild.
«Heta budzie simvalizavać nie tolki pieramohu nad fašyzmam, ale i viečnyja kaštoŭnaści mirnaha suisnavańnia i družby narodaŭ», — zajavili bajkiery.
Adnak zastajecca niezrazumiełym, ci atrymajecca im ujechać u ES. Kłub i niekatoryja jaho členy znachodziacca pad sankcyjami. U Hiermanii, prynamsi, im buduć nie rady.
Jašče na minułym tydni padčas mierapryjemstvaŭ pamiaci pra Druhuju suśvietnuju vajnu ŭ Tarhau bajkiery vystupili jak prapahandysty Kramla, padmanuŭšy słužby biaśpieki.
Jak by tam ni było, vyklučać źjaŭleńnie «Načnych vaŭkoŭ» u Bierlinie niemahčyma chacia b tamu, što kłub maje členaŭ i ŭ samoj Hiermanii.
Vyjazdžajučy z Maskvy, «Načnyja vaŭki» nieśli ściahi kłuba, a taksama rasijskija i niamieckija ściahi. Na niekatorych matacykłach byŭ zaŭvažany simvał «Z» — zabaronieny ŭ Hiermanii znak rasijskaj ahresii suprać Ukrainy.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary