Pryčynaj avaryi na jeŭrapiejskich elektrasietkach mahła stać redkaja atmaśfiernaja źjava
Adnoj ź viersij pryčyny avaryi, jakaja pryviała da źniknieńnia elektryčnaści ŭ Ispanii i Partuhalii, nazyvajuć redkuju atmaśfiernuju źjavu: z-za ekstremalnych vahańniaŭ tempieratury ŭ Ispanii adbyŭsia anamalny zboj u vysakavoltnych linijach, što pryviało da parušeńniaŭ va ŭsioj abjadnanaj jeŭrapiejskaj sietcy, paviedamlaje CNN sa spasyłkaj na apieratara elektrasietki ŭ Partuhalii REN.
Da rasśledavańnia pryčyn maštabnaha błekaŭta dałučylisia ispanskaje Abjadnanaje kamandavańnie kibierprastoraj i Jeŭrakamisija.
Prahnazujecca, što praz składanaść źjavy i nieabchodnaść zbałansavać pastaŭki elektraenierhii na mižnarodnym uzroŭni «poŭnaje adnaŭleńnie pracy sietki moža zaniać da tydnia».
U toj ža čas namieśnica staršyni Jeŭrakamisii Teresa Rybiera zajaviła, što prykmiety naŭmysnaj ataki na enierhietyčnuju sistemu Ispanii adsutničajuć.
«Na hety momant niama ničoha, što dazvoliła b nam skazać, što heta była dyviersija abo kibierataka», — paviedamiła jana.
Siłaviki raskazali, za što praviali chapun na tenisnym matčy7
Siłaviki raskazali, za što praviali chapun na tenisnym matčy
«Adnavili hramadski paradak, nie sastupiŭšy patrabavańniam novych vybaraŭ». Što piša Hrokipiedyja pra pratesty, Łukašenku, movu i jak dzielić spadčynu VKŁ1212
Kamientary