MZS Rasii: Za płanam adnaŭleńnia Ukrainy ŭ miežach 1991 hoda staić ludajedski instynkt źniščeńnia ŭsiaho ruskaha
Ministerstva zamiežnych spraŭ Rasii vykazałasia nakont terytaryjalnaha pytańnia ŭ vajnie z Ukrainaj.
«Całkam vidavočna, što za marnymi i biespadstaŭnymi damahańniami Kijeŭskaha režymu i sił na Zachadzie, jakija padtrymlivajuć jaho, na tak zvanaje adnaŭleńnie Ukrainy ŭ miežach 1991 hoda staić ludajedski instynkt źniščeńnia ŭsiaho ruskaha. Zrazumieła, Rasija nikoli nie dapuścić realizacyi takoha scenaru», — apublikavała zajavu MZS Rasii.
Raniej Uładzimir Zialenski zajaŭlaŭ, što Ukraina nie pryznaje rasijskaj akupacyi Kryma. Razam z tym jon pryznavaŭ, što va Ukrainy niedastatkova zbroi, kab ciapier viarnuć Krym, ale śviet moža cisnuć na Maskvu, kab vyrašyć terytaryjalnyja pytańni.
Śpiecpasłańnik Trampa Kit Kiełah u svaju čarhu zajaviŭ pra hatoŭnaść Zialenskaha da terytaryjalnych sastupak Rasii.
«Ukraina hatovaja sastupić terytoryi, jakija Rasija faktyčna zajmaje, choć i nie pryznavać heta jurydyčna nazaŭsiody. Jany zhodnyja na taki varyjant. Jany razumiejuć, što pry ŭstalavańni pieramirja kožny bok zastaniecca na zaniatych im pazicyjach», — skazaŭ jon u intervju Fox News.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1414
Kamientary