Manašak Śviata-Jelisaviecinskaha manastyra prahnali z-pad carkvy ŭ Rymie
Pradstaŭnic Śviata-Jelisaviecinskaha manastyra, viadomaha svajoj padtrymkaj rasijskaj ahresii, zaŭvažyli za prodažam carkoŭnych rečaŭ kala chrama ŭ centry Ryma. Heta vyklikała abureńnie ŭkrainskich i biełaruskich viernikaŭ, raspaviadaje «Chryścijanskaja vizija: NIE VAJNIE!»
17 maja siaścior Śviata-Jelisaviecinskaha manastyra, jakija handlavali carkoŭnymi ŭborami, zaŭvažyli kala carkvy Madonna Perpetua Sakorsa, što znachodzicca ŭ centry Ryma — niepadalok ad bazyliki Santa-Maryja-Madžore. Chram vykarystoŭvajecca ordenam redemptarystaŭ.
Mienavita da hetaha ordena naležać dvoje hreka-katalickich śviataroŭ z akupavanaha Biardzianska — Ivan Lavicki i Bahdan Hieleta, jakija dva hady praviali ŭ rasijskim pałonie, padviarhalisia ździekam i katavańniam. U červieni 2024 hoda jany byli vyzvalenyja ŭ ramkach abmienu.
Toje, što pradstaŭnicy manastyra, jaki padtrymlivaje rasijskuju ahresiju i dapamahaje rasijskaj armii, razharnuli svoj handlovy punkt kala chrama, nie mahło nie vyklikać abureńnia ŭkrainskich i biełaruskich viernikaŭ, i jany źviarnulisia da kiraŭnictva carkvy.
U vyniku kiraŭnictvam prychodu było pryniata rašeńnie «vyhnać pradaŭcoŭ z chrama».
Kamientary