Ukraina pačała vytvorčaść dronaŭ-pierachopnikaŭ dla zmahańnia z šachiedami
Ukraina pačała vytvorčaść dronaŭ-pierachopnikaŭ, kab zmahacca z rasijskimi «šachiedami», jakija stali bolš składanymi i časta vykarystoŭvajucca dla masiravanych udaraŭ pa haradach. Raspracoŭkaj i vytvorčaściu takich bieśpiłotnikaŭ zajmajucca jak ukrainskija kampanii, tak i mižnarodnyja partniory. Novyja drony zdolnyja vyjaŭlać i źniščać «Šachiedy», u tym liku praz vybuch pobač z cellu abo pramoje sutyknieńnie, piša Bloomberg.
Try ukrainskija kampanii ŭžo vyrablajuć takija drony pa canie kala $5000, a niekatoryja madeli, što jašče raspracoŭvajucca, mohuć kaštavać usiaho $300. Heta značna tańniej, čym sam «Šachied», jaki kaštuje kala $35 000 i ciapier masava vypuskajecca ŭ Rasii ŭ šostaj madyfikacyi.
Raniej ukrainskija CPA vykarystoŭvali mabilnyja naziemnyja hrupy z kulamiotami i rakietami, ale ciapier «Šachiedy» lotajuć vyšej, chutčej i časam vykarystoŭvajuć štučny intelekt dy sietki mabilnych apierataraŭ zamiest GPS. Tamu ich ciažej pierachapić ź ziamli. Vykarystoŭvać dla hetaha źniščalniki ci rakiety — doraha.
Ukraina, adnak, taksama aktyŭna naroščvaje svaju vytvorčaść. Pavodle słoŭ daradcy ŭkrainskaha ministra pa spravach stratehičnych halin pramysłovaści Alaksandra Kamyšyna, ukrainskija drony ŭžo paśpiachova dziejničajuć u rajonie Kijeva. Prezident Ukrainy Uładzimir Zialenski padkreślivaŭ, što kraina ciapier maje ŭłasnyja drony-«źniščalniki» i ruchajecca ŭ kirunku pavieličeńnia ich vytvorčaści.
U červieni łatvijskaja kampanija Origin Robotics pieradaść Ukrainie na vyprabavańnie svaje bieśpiłotniki, zdolnyja padryvacca pobač ź mišeńniu. A vałanciorskaja arhanizacyja Defense Tech for Ukraine adznačaje, što rasijskija drony ŭžo abstaloŭvajucca kamierami zadniaha vidu i ŭmiejuć uchilacca ad pierachopu. Tamu ŭkrainskija raspracoŭščyki stvarajuć drony ź fiksavanym kryłom dla tarannaha ŭdaru i madeli ź biezadkatnymi kulamiotami.
Adna z najbujniejšych ukrainskich kampanij Skyfall adaptuje svaje FPV-drony dla pierachopu. Jany kaštujuć ad $300 da $500 i mohuć źniščać jak raźviedvalnyja, tak i ŭdarnyja bieśpiłotniki.
Rasija naniesła masiravany ŭdar pa haradach Ukrainy, u Kijevie — dzieviać zahinułych, 63 paranienyja
U Rasii apublikavali aryjenciroŭku na ŭładalnika fur, jakoha padazrajuć u dačynieńni da ataki na vajskovyja aeradromy
Ukraina masiravana atakavała rasijskija aeradromy i źniščała bambardzirovačnuju avijacyju
Ciapier čytajuć
Aryštavany čynoŭnik, jaki moh stać nastupnym ministram achovy zdaroŭja7
Kamientary
Padobna na toje, što ŭkid pra "zapisku ŭ dronie ad rasijskaha inžyniera" pajšoŭ hulać pa zachodniaj presie. Minimum treci artykuł, jaki zhadvaje toj "ŠI".