Вайна11

Украіна пачала вытворчасць дронаў-перахопнікаў для змагання з шахедамі

Украіна пачала вытворчасць дронаў-перахопнікаў, каб змагацца з расійскімі «шахедамі», якія сталі больш складанымі і часта выкарыстоўваюцца для масіраваных удараў па гарадах. Распрацоўкай і вытворчасцю такіх беспілотнікаў займаюцца як украінскія кампаніі, так і міжнародныя партнёры. Новыя дроны здольныя выяўляць і знішчаць «Шахеды», у тым ліку праз выбух побач з цэллю або прамое сутыкненне, піша Bloomberg.

Фота ілюстрацыйнае

Тры украінскія кампаніі ўжо вырабляюць такія дроны па цане каля $5000, а некаторыя мадэлі, што яшчэ распрацоўваюцца, могуць каштаваць усяго $300. Гэта значна танней, чым сам «Шахед», які каштуе каля $35 000 і цяпер масава выпускаецца ў Расіі ў шостай мадыфікацыі.

Раней украінскія CПА выкарыстоўвалі мабільныя наземныя групы з кулямётамі і ракетамі, але цяпер «Шахеды» лётаюць вышэй, хутчэй і часам выкарыстоўваюць штучны інтэлект ды сеткі мабільных аператараў замест GPS. Таму іх цяжэй перахапіць з зямлі. Выкарыстоўваць для гэтага знішчальнікі ці ракеты — дорага.

Украіна, аднак, таксама актыўна нарошчвае сваю вытворчасць. Паводле слоў дарадцы ўкраінскага міністра па справах стратэгічных галін прамысловасці Аляксандра Камышына, украінскія дроны ўжо паспяхова дзейнічаюць у раёне Кіева. Прэзідэнт Украіны Уладзімір Зяленскі падкрэсліваў, што краіна цяпер мае ўласныя дроны-«знішчальнікі» і рухаецца ў кірунку павелічэння іх вытворчасці.

У чэрвені латвійская кампанія Origin Robotics перадасць Украіне на выпрабаванне свае беспілотнікі, здольныя падрывацца побач з мішэнню. А валанцёрская арганізацыя Defense Tech for Ukraine адзначае, што расійскія дроны ўжо абсталёўваюцца камерамі задняга віду і ўмеюць ухіляцца ад перахопу. Таму ўкраінскія распрацоўшчыкі ствараюць дроны з фіксаваным крылом для тараннага ўдару і мадэлі з безадкатнымі кулямётамі.

Адна з найбуйнейшых украінскіх кампаній Skyfall адаптуе свае FPV-дроны для перахопу. Яны каштуюць ад $300 да $500 і могуць знішчаць як разведвальныя, так і ўдарныя беспілотнікі.

Каментары1

  • .
    03.06.2025
    Пра штучны інтэлект у "Шахедах" украінцы абвяргалі ж.
    Падобна на тое, што ўкід пра "запіску ў дроне ад расійскага інжынера" пайшоў гуляць па заходняй прэсе. Мінімум трэці артыкул, які згадвае той "ШІ".

Цяпер чытаюць

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Усе навіны →
Усе навіны

Бяляцкі: На чарговым сходзе «Вясны» складу з сябе паўнамоцтвы3

Вызваленне Курскай вобласці каштавала расіянам 20 тысяч жыццяў. І гэта без уліку паўночнакарэйцаў

У Варшаве ў кватэру беларускі ўварваўся ўкраінец, паваліў на падлогу і забраў дарагую сумачку9

Намеснік кіраўніка Пентагона раскрытыкаваў удары Украіны па Расіі і датэрмінова пакінуў «Рамштайн»16

48‑гадовага аўтамаляра з Гарадка асудзілі да калоніі. Меркавана, за каментарыі ў падтрымку Украіны1

Стваральнік Claude прыцягнуў рэкордныя 81,3 мільярда даляраў пры выхадзе на біржу

Уладзімір Мацкевіч: Пенсіі ў Літве ў мяне няма10

Кавалер збег са спаткання, не заплаціўшы за вячэру. Ці павінна дзяўчына аплачваць увесь рахунак?12

У Кобрыне кавярню аформілі ў «сучасным беларускім стылі» — намалявалі на сцяне дзяўчыну ў какошніку32

больш чытаных навін
больш лайканых навін

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал14

Пуцін, Трамп і Сі прынялі «дэкларацыю аб міры», раскрытыкавалі ў ёй Гаагскі трыбунал

Галоўнае
Усе навіны →

Заўвага:

 

 

 

 

Закрыць Паведаміць