Kanflikt va Ukrainie nie skončycca, «pakul NATA nie pojdzie», zajaviŭ u intervju TASS namieśnik ministra zamiežnych spraŭ Rasii Siarhiej Rabkoŭ.
Pa słovach Rabkova, mienavita ekspansija Paŭnočnaatłantyčnaha aljansu stała adnoj z «pieršapryčyn pryncypovych supiarečnaściaŭ» pamiž Rasijaj i ZŠA ŭ pytańniach biaśpieki.
«Biez raźviazańnia hetaj pryncypovaj i vostraj dla nas prablemy ŭrehulavać ciapierašni kanflikt u Jeŭraatłantycy prosta niemahčyma», — skazaŭ Rabkoŭ.
Jon dadaŭ, što skaračeńnie kantynhientu NATA va Uschodniaj Jeŭropie «pajšło b na karyść biaśpieki ŭsiaho kantynienta», i nahadaŭ, što anałahičnyja patrabavańni Maskva ŭžo vystaŭlała ŭ kancy 2021 hoda — za niekalki miesiacaŭ da ŭvarvańnia va Ukrainu.
«U adrasavanych nami Vašynhtonu i Bruselu prapanovach fihuravaŭ impieratyŭ pravavych, jurydyčna abaviazkovych i doŭhaterminovych harantyj niepašyreńnia Paŭnočnaatłantyčnaha aljansu na ŭschod, a taksama patrabavańni ab nieraźmiaščeńni ŭdarnych uzbrajeńniaŭ pablizu rasijskich miežaŭ», — nahadaŭ Rabkoŭ.
Rasijski kiraŭnik Uładzimir Pucin ad pačatku vajny patrabavaŭ ad NATA «zakryć dźviery» dla Ukrainy, a ciapier patrabavańni stali jašče bolš žorstkimi. Zhodna z krynicami Reuters, Pucin nibyta choča atrymańnia piśmovych harantyj, što NATA nie prymie nie tolki Ukrainu, ale i Małdovu z Hruzijaj. Jon taksama patrabuje admieny sankcyj, razmarozki zamiežnych reziervaŭ Centrabanka RF i pieradačy Rasii kantrolu nad Danieckaj, Łuhanskaj, Chiersonskaj i Zaparožskaj abłaściami.
U svaju čarhu, pradstaŭnik prezidenta ZŠA Kit Kiełah pryznaŭ, što ŭ Rasii jość «abhruntavanyja» aściarohi nakont pašyreńnia NATA i vykazaŭ hatoŭnaść abmiarkoŭvać hety pytańnie ŭ ramkach mahčymych mirnych pieramoŭ. Ale kančatkovaje rašeńnie, pavodle jaho, budzie za prezidentam ZŠA Donaldam Trampam.
Orban ličyć, što Rasija — nie pahroza dla NATA, bo «nie moža spravicca navat z Ukrainaj»
Rasija nie zmoža adnavić straty dalniaj avijacyi paśla ŭkrainskaj apieracyi «Pavucińnie»
Naščadka emihrantaŭ ź Biełarusi pryznačyli hałoŭnakamandujučym abjadnanych siłaŭ NATA ŭ Jeŭropie
ZŠA zabirajuć va Ukrainy krytyčna važnuju technałohiju baraćby z dronami
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary
[Zredahavana]
Čamu režym, jaki nie ŭ stanie abaranić svaju stratehičnuju avijacyju (nie kažu navat pra cyvilnyja jadravyja abjekty) vyrašyŭ, što niechta budzie słuchać i vykonvać jahonyja chaciełki?
[Zredahavana]