U Minskaj vobłaści fiksujecca rost ukusaŭ klaščoŭ, ale jość rajony, dzie niama nivodnaha vypadku
U mai ŭ Minskaj vobłaści nazirałasia rezkaje pavieličeńnie kolkaści zvarotaŭ pa miedycynskuju dapamohu paśla ŭkusaŭ klaščoŭ.
Jak paviedamili BiełTA ŭ Minskim abłasnym centry hihijeny, epidemijałohii i hramadskaha zdaroŭja, za miesiac zafiksavana 262 vypadki, ź jakich 92 — u dziaciej. Heta bolš čym u dva razy pieravyšaje pakazčyki krasavika (122 vypadki).
Najbolšaja kolkaść paciarpiełych zarehistravana ŭ Minskim i Salihorskim rajonach, a taksama ŭ horadzie Žodzinie. U toj ža čas nivodnaha vypadku ŭkusu nie zafiksavana ŭ Vilejskim, Kapylskim i Smalavickim rajonach.
Usiaho z pačatku hoda ŭ miedycynskija ŭstanovy vobłaści z pryčyny ŭkusaŭ klaščoŭ źviarnulisia 413 čałaviek, u tym liku 154 dziciaci. Niahledziačy na majski ŭsplosk, ahulny pakazčyk za piać miesiacaŭ na 18,7% nižejšy, čym za anałahičny pieryjad minułaha hoda (tady było 508 vypadkaŭ).
Pavodle danych śpiecyjalistaŭ, bolš za pałovu paciarpiełych (53%) sutyknulisia z klaščami ŭ lasach, jašče kala treci — u sielskaj miascovaści i na dačnych učastkach.
Ciapier čytajuć
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1111
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć11
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary