Biełaruski treš-strymier Mellstroy arandavaŭ raskošny dom u Kipry za $500 tysiač na hod
Prybiracca ŭ čatyrochpaviarchovym katedžy budzie horničnaja.
Biełaruski treš-strymier Mellstroy (Andrej Burym) arandavaŭ raskošny dom na poŭdni Kipra.
Jak jon raskazvaje ŭ videa, jon źniaŭ jaho dla siabie i kamandy na hod napierad za 500 tysiač dalaraŭ (suma za hod). I vielmi zadavoleny: bo dahetul zdymaŭ apartamienty ŭ Čarnahoryi, za jakija addavaŭ 50 tysiač dalaraŭ na miesiac.
Ciapierašni dom — čatyrochpaviarchovy. Tam jość lift, haraž, damašni kinateatr, adkryty i zakryty basiejny, sportazała.
Błohier raskazvaje, što prybiracca tut budzie horničnaja.
Mellstroy rodam z Homiela. Jamu 26 hadoŭ. Jon staŭ viadomy dziakujučy svaim treš-strymam. Padčas adnaho ź ich u 2020 hodzie jon źbiŭ dziaŭčynu. Paśla hetaha na Buryma była zaviedziena kryminalnaja sprava. U vyniku jon atrymaŭ paŭhoda vypraŭlenčych rabot i štraf.
Mellstroy u cełym rehularna traplaje ŭ skandalnyja naviny, dajučy svaim hledačam varjackija zadańni i abiacajučy ščodryja vypłaty za ich vykanańnie. Tym nie mienš, hetyja abiacańni nie zaŭsiody vykonvajucca.
Błohieru Mełstroju adpravili pozvu na dopyt u pasolstva Rasii ŭ Čarnahoryi
Školniki ŭ Rasii vybiehli na placoŭku padčas matča dziela hrošaj ad Mellstroy. Hamialčuk nie zapłaciŭ, a baćkoŭ aštrafavali
Biełaruski treš-błohier Mellstroy arhanizavaŭ u Maskvie doždž z hrošaj. Jon raskidaŭ nad natoŭpam 75 tysiač dalaraŭ
Kamientary