Palina z Salihorska nabrała 400 bałaŭ na ekzamienach. Voś kudy jana budzie pastupać
Vypusknica himnazii № 1 Salihorska Palina Ramaška nabrała maksimum — 400 bałaŭ na centralizavanym teściravańni. Jana atrymała pa 100 bałaŭ pa troch pradmietach: matematycy, fizicy i ruskaj movie, piša Sb.by.
Palina raskazvaje, što matematyka i fizika zaŭsiody byli joj cikavyja. Jana ŭdzielničała ŭ alimpijadach pa matematycy jašče ŭ pačatkovaj škole, a z 8-ha kłasa — pa fizicy. Zaŭsiody rychtavałasia pahłyblena, a ŭ 11-m kłasie pačała metanakiravana rychtavacca da vypusknych i ŭstupnych ekzamienaŭ.
Ruskaj movaj jana zajmałasia z repietytaram, a vialikuju padtrymku ŭ fizicy akazała nastaŭnica Jaŭhienija Valancinaŭna Nievar, jakaja dapamahała razabracca ŭ ciažkich temach.
Palina šmat rašała testaŭ minułych hadoŭ i ŭdzielničała ŭ repietycyjnych teściravańniach, dzie zaŭsiody nabirała bolš za 90 bałaŭ. Pa ruskaj movie ŭžo na trecim etapie repietycyi atrymała 100 bałaŭ.
Napiaredadni ekzamienaŭ pa paradzie nastaŭnikaŭ dziaŭčyna adkłała knihi, kab nie pierahruzicca i zachavać jasnuju hałavu. Chacia i chvalavałasia, ekzamieny prajšli spakojna.
Ciapier Palina płanuje padavać dakumienty na fakultet prykładnoj matematyki i infarmatyki BDU.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary