Biełarusy, što jeduć u Sierbiju i Čarnahoryju, mohuć trapić u vizavuju pastku
Pasolstva Biełarusi ŭ Sierbii paviedamiła pra rost kolkaści zvarotaŭ ad biełarusaŭ, jakija jeduć tranzitam praź Sierbiju i Čarnahoryju na asabistym transparcie.
Reč u tym, što kali ŭ takoj situacyi ŭ vas budzie adnarazovaja viza, to pry pierasiačeńni miažy jaje anulujuć, i paŭtorna ŭjechać u Jeŭrasajuz užo nielha.
Pry hetym, adznačajecca ŭ paviedamleńni pasolstva, viarnucca ziamnym šlacham na radzimu takija hramadzianie ŭžo nie mohuć.
Dajechać ź Sierbii abo Čarnahoryi ŭ Biełaruś možna tolki praz krainy Šenhienskaha pahadnieńnia, ale novuju vizu ŭ hetych krainach nielha atrymać biez dazvołu na žycharstva.
Alternatyŭnych šlachoŭ, naprykład z Čarnahoryi praz Turcyju na paromie, taksama niama.
Takim čynam, padarožniki, jakija ŭjechali ŭ Sierbiju abo Čarnahoryju na aŭtamabili z adnarazovaj vizaj, mohuć viarnucca dadomu tolki na samalocie praz Stambuł abo Maskvu. Mašyna ž pry hetym zastaniecca čakać, pakul jaje ŭładalnik nie atrymaje paŭtornuju vizu dla jaje vyvazu.
Pasolstva zaklikaje turystaŭ zahadzia ŭličvać patrabavańni vizavaha režymu pry płanavańni maršrutaŭ praz Bałkany, kab paźbiehnuć takich situacyj.
Kamientary