Prezident Izraila: My nie stavim za metu zrynuć Chamieniei, ale heta moža być pabočnym efiektam ź vialikimi histaryčnymi nastupstvami
Prezident Izraila Icchak Hiercah daŭ intervju Bild. Jon pierakanany, što vajennaja apieracyja suprać jadziernaj prahramy Iran była adzinym viernym rašeńniem.
«My pavinny byli likvidavać hetuju pahrozu, i mienavita hetym my zajmajemsia. My z poŭnaj upeŭnienaściu viedajem, što Iran padyšoŭ da paroha [stvareńnia jadziernaj bomby] i byŭ vielmi blizka. Jon uzbahaciŭ uran da 60%-a heta nie moža być dla čaho-niebudź inšaha, akramia jak dla raspracoŭki zbroi. […] My likvidujem hetuju pahrozu, pierš čym jana vybuchnie».
Ci moža palityčnaja karjera premjer-ministra Bińjamina Nietańjachu być sapraŭdnaj matyvacyjaj udaraŭ pa Iranie?
Hiercah, raniej hałoŭny palityčny kankurent Nietańjachu, rašuča piarečyć:
«Heta poŭnaja łuchta, tamu što ŭsia izrailskaja sistema biaśpieki, jakaja časam spračajecca ź Nietańjachu, całkam padtrymała hetaje rašeńnie. I ja kažu heta jasna: Usia izrailskaja palityka staić za hetym rašeńniem. Ja taksama całkam jaho padtrymlivaju»»
Ci dapamoža Donald Tramp Izrailu źniščyć jadziernyja abjekty Irana?
«My nie viedajem ničoha, čaho nie viedali b i vy. My padkreślivajem, što heta rašeńnie prezidenta ZŠA Donalda Trampa. […] My vielmi aściarožnyja ŭ svaich vykazvańniach, tamu što razumiejem debaty ŭ Amierycy i vierym, što prezident Tramp sam vałodaje mudraściu, zdolnaściami i vyraznym razumieńniem situacyi», — kaža hiercah.
U toj ža čas prezident padkreślivaje, što ciapier jość «redkaja mahčymaść likvidavać pahrozu, jakaja dziesiacihodździami navisała nad usim śvietam».
Ci choča Izrail zabić ajatału i zrynuć muł?
«U nas niama mety ŭ dačynieńni da Chamieniei i niama mety źmieny režymu. Ale heta moža być pabočnym efiektam ź vialikimi histaryčnymi nastupstvami, jaki pojdzie na karyść iranskamu narodu».
Hetyja słovy Hiercaha častkova supiarečać vykazvańniam ministra abarony Israela Kaca, jaki abviaściŭ zabojstva iranskaha dyktatara Ali Chamieniei vajennaj metaj.
«Ludzi pavinny pračnucca!»
Naprykancy Hiercah zaklikaŭ śviet da padtrymki Izraila: «ludzi pavinny pračnucca, sustrecca z realijami» i pryznać pahrozu isłamisckich dziaržaŭ i arhanizacyj.
«Śviet pavinien nas padtrymać, — skazaŭ prezident. — U intaresach svajoj ža biaśpieki».
Kamientary