Ukraina kantraluje 90 kvadratnych kiłamietraŭ na Kurščynie — Syrski
Uładzimiru Pucinu 26 krasavika dałažyli, što ad USU vyzvaleny apošni nasieleny punkt u Kurskaj vobłaści.
USU kantralujuć kala 90 kv. km u Hłuškaŭskim rajonie na rasijskaj Kurščynie, paviedamiŭ Syrski na sustrečy z žurnalistami, piša «Ukrainskaja praŭda».
«U krasaviku 2025 hoda rasijskija častki — a heta kala 60 tysiač čałaviek (u tym liku dźvie desantna-šturmavyja dyvizii, desantna-šturmavyja bryhady, bryhady marskoj piachoty) — atrymali zadańnie pieramiaścicca na novyja napramki bajavych dziejańniaŭ i papoŭnić nastupalnyja hrupoŭki armii RF na Pakroŭskim, Tareckim, Limanskim, Zaparožskim, Chiersonskim napramkach, i tym samym pavialičyć temp varožaha nastupu. Ale našy aktyŭnyja dziejańni ŭ Hłuškaŭskim rajonie Kurskaj vobłaści RF sarvali hetyja płany…
Ukrainskaja armija kantraluje kala 90 kvadratnych kiłamietraŭ terytoryi Hłuškaŭskaha rajona Kurskaj vobłaści RF, i heta našy papieradžalnyja dziejańni ŭ adkaz na mahčymy nastup sapiernika», — skazaŭ hałoŭnakamandujučy USU.
Syrski padkreśliŭ, što adna z bryhad RF, jakaja ŭžo ruchałasia ŭ Pakroŭskim napramku, była viernutaja znoŭ u Kurskim napramku — ciapier kala 10 tysiač rasijskich vaskoŭcaŭ viaduć bajavyja dziejańni ŭ Hłuškaŭskim rajonie.
Uładzimiru Pucinu 26 krasavika zrabili spravazdaču, što vyzvaleny ad USU apošni nasieleny punkt u Kurskaj vobłaści.
Kamientary