«Nie mahu bolš bieź ciabie ja». Nastaśsia Rydleŭskaja vypuściła bolš čym sprečny klip
Novaja zorka maładoha pakaleńnia, śpiavačka Nastaśsia Rydleŭskaja 2 lipienia vypuściła novy klip na pieśniu Isolde. Razam z režysiorkaj Madsangria jany zazirnuli na ciomny bok Kupalla.
Letaś Nastaśsia Rydleŭskaja vypuściła pieśniu Dance On My Own, jakaja stała sapraŭdnym himnam niezaležnaści i pavahi da siabie — i nabrała najbolšuju kolkaść prasłuchoŭvańniaŭ u jaje katałohu — bolš za 650 tysiač.
Muzyčnaje videa na pieśniu źniała režysiorka ź Biełarusi Darja Madsangria, viadomaja pa pracach z Kubi producent (19 młn prahladaŭ), White 2115 (5 młn prahladaŭ), Kinny Zimmer (700+ tys. prahladaŭ), a taksama pa supracy z łejbłam Sony Music.
Praz hod biełaruski duet viarnuŭsia z novym tvoram — klipam na pieśniu Isolde ź sioletniaha alboma Snake Charmer. U videa viedźmy ładziać svoj kryvažerny šabaš — ale ci ŭsio takoje, jakim zdajecca?
«Dla mianie klip Isolde — heta pra mocnuju žanočuju enierhietyku, — kaža režysiorka Madsangria. — Heta historyja pra dziaŭčynu, u jakoj spałoch pieraŭtvarajecca ŭ siłu i śmiełaść. Ale sama historyja ŭ klipie dla mianie — druhasnaja. Na pieršym miescy — adčuvańni, jakija zastanucca ŭ hledača paśla prahladu. Mnie važna, kab hetu pracu adčuli.
U hetym klipie šmat taho, što ja daŭno chacieła realizavać, ale mnie zaŭsiody kazali: «Daša, nielha, bo 18+ mocna źnižaje achopy». U pieršym klipie Naści Dance on My Own ja tolki pryadčyniła dźviery svaich žadańniaŭ. A tut — vyrašyła rasčynić ich napoŭnicu! Ja źniała tak, jak chacieła».
Słuchać Isolde možna na roznych placoŭkach.
Słuchać albom Snake Charmer.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary