ZŠA śpiašajucca pieradać Ukrainie abiacanuju Trampam zbroju jak maha chutčej
ZŠA imknucca jak maha chutčej pieradać Ukrainie zbroju ŭ miežach płana prezidenta ZŠA Donalda Trampa, jaki praduhledžvaje, što jeŭrapiejskija krainy zakupiać amierykanskija ŭzbrajeńni dla Kijeva. Pra heta paviedamiŭ pasoł ZŠA pry NATA Mećju Uitakier. Jon adznačyŭ, što ŭsie pracujuć u paskoranym režymie, kab heta adbyłosia jak maha chutčej, chacia dakładnuju datu pastavak pakul nazvać nie moža, piša «RBK-Ukraina».
«My ŭsie śpiešna pracujem, kab spryjać hetamu i zaviaršyć hetuju spravu i, viedajecie, ja dumaju, što ŭsio nasamreč ruchajecca vielmi chutka. Ale ja nie mahu paćvierdzić datu, kali ŭsio heta budzie zavieršana», — skazaŭ Mećju Uitakier.
Taksama ZŠA razhladajuć mahčymaść pradać Ukrainie sistemy supraćpavietranaj abarony Patriot sa svaich zapasaŭ, ale tolki pry ŭmovie, što heta nie pastavić Amieryku ŭ stratehična niavyhadnaje stanovišča.
«My nikoli nie pastavim Złučanyja Štaty ŭ stratehična niavyhadnaje stanovišča i zabiaśpiečym, kab u nas było ŭsio nieabchodnaje. U toj ža čas, dumaju, my ŭsie pryznajem nadzionnuju patrebu Ukrainy ŭ tym, što joj ciapier nieabchodna na pole boju i dla abarony svaich haradoŭ», — adznačyŭ pasoł.
Aproč hetaha, abmiarkoŭvajecca varyjant, kab jeŭrapiejskija krainy pieradali Ukrainie svaje sistemy SPA prosta ciapier, a zatym nabyvali dla siabie zamienu ŭ ZŠA.
Zhodna z damoŭlenaściu pamiž ZŠA i NATA, Jeŭropa vydatkuje 10 miljardaŭ dalaraŭ na zakupku amierykanskaj zbroi dla Ukrainy. Užo paćvierdzili ŭ hetym płanie ŭdzieł takija krainy, jak Šviecyja, Danija i Hiermanija, ale, naprykład, Italija, Francyja, Čechija i Vienhryja da inicyjatyvy nie dałučylisia.
Pa słovach hiensieka NATA Marka Rute, u ramkach hetaj schiemy Ukraina moža atrymać vialikuju kolkaść sistem SPA, rakiet i bojeprypasaŭ.
Tramp: 17 sistem Patriot adpravim va Ukrainu
Tramp: «I ja taki: dziŭna!» Stenahrama zajavaŭ Trampa i Rute ŭ Biełym domie
«Patelefanujcie Pucinu»: Rute papiaredziŭ Kitaj, Indyju i Braziliju pra druhasnyja sankcyi
Mierc zmoh pierakanać Trampa pry dapamozie «dypłamatyi čekavych knižak»
«Kali ty chočaš vajny — my ŭzbroim Ukrainu, a Jeŭropa za heta zapłacić». Pradstaŭnik ZŠA pry NATA raskazaŭ pra sihnał Pucinu
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1717
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary