U Polščy zrabili značnaje adkryćcio — u Bałtyjskim mory, niedaloka ad horada Śvinaujście znajšli vialikaje radovišča nafty i pryrodnaha hazu. Pra heta paviedamiła kampanija Central European Petroleum (CEP), paviedamlaje telekanał TVP3. Jak śćviardžajecca, heta najbujniejšaje tradycyjnaje radovišča nafty, jakoje kali-niebudź znachodzili ŭ Polščy, a da taho ž jano adno z samych vialikich u Jeŭropie.
Adkryćcio było zroblena padčas bureńnia śvidraviny Wolin East 1. Pavodle acenak kampanii, u hetym miescy znachodzicca kala 5 miljardaŭ kubamietraŭ hazu i 22 miljony ton nafty. I heta nibyta tolki častka — usia licenzijnaja terytoryja «Volin» moža mieć da 27 miljardaŭ kubamietraŭ hazu i 33 miljony ton nafty.
Kampanija śćviardžaje, što hetaje adkryćcio moža istotna pavysić enierhietyčnuju biaśpieku Polščy. Namieśnik dziaržsakratara i hałoŭny hieołah krainy Kšyštaf Hałaš adznačyŭ, što choć radovišča jašče treba dakładna daśledavać i padrychtavać dakumientacyju, jano moža stać sapraŭdnym praryvam u historyi zdabyčy nafty i hazu ŭ Polščy.
«Stanovišča adčajnaje». U «Hazpramie» nie viedajuć, kudy padzieć 60 miljardaŭ kubamietraŭ nieraspradadzienaha hazu
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ
Turcyja znajšła ŭ Čornym mory radovišča hazu na 30 miljardaŭ dalaraŭ
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
ú Čechasłavaččynie , HDR , Vienhryi , Rumynii palicy kramaú hnulisia ad tavaraú , ú Polščy byú deficyt Úsiaho , šeraść .
zdavałasia b , pajedź da palitbiuro , paprasi i tabie ,,daduć,, , štości vyrašać .
Nie ))