Rasija ŭpieršyniu ŭ svajoj historyi viadzie vajnu, nie majučy nivodnaha sajuźnika, zajaviŭ u paniadziełak ministr zamiežnych spraŭ RF Siarhiej Łaŭroŭ.
«Rasija vajuje adna suprać usiaho Zachadu. U Pieršuju suśvietnuju, u Druhuju suśvietnuju ŭ nas byli sajuźniki. Ciapier u nas sajuźnikaŭ na poli boju niama. Tamu spadziavacca treba na siabie. Nielha dapuskać ni słabaści, ni słabiny», — skazaŭ Łaŭroŭ, vystupajučy na forumie «Terytoryja sensu», piša The Moscow Times.
Jeŭropa, jakaja histaryčna vykonvała rolu hałoŭnaha handlovaha partniora Rasii, pavodle ministra, «aźviareła», a ZŠA stracili «pavahu» da Kramla, čaho nie było navat u epochu Chałodnaj vajny.
«Padčas chałodnaj vajny dyjałoh nikoli nie pierapyniaŭsia pamiž SSSR i ZŠA, i što jašče vielmi važna, jak mnie zdajecca, adznačyć — heta toje, što ŭ chałodnuju vajnu było ŭzajemnaje staŭleńnie z pavahaj. Zaraz jaho niama», — skazaŭ Łaŭroŭ.
Jon dadaŭ, što Rasija praciahvaje nastojvać na tym, što ličyć svaimi «zakonnymi patrabavańniami» ŭ spravie zabieśpiačeńnia biaśpieki. Siarod ich — nieŭstupleńnie Ukrainy ŭ NATA, admova ad pašyreńnia aljansu na ŭschod, a taksama pryznańnie «realij na ziamli» — to bok anieksii akupavanych ukrainskich terytoryj.
-
U Narviehii adreahavali na abraźlivaje vykazvańnie Trampa z humaram — padborkaj dyzajnierskich prybiralniaŭ FOTY
-
«Nie źbirajusia strymlivacca». Estonski premjer adkazaŭ na prośbu Pientahona nie nazyvać Pucina pacukom
-
Amierykancy staviać rekordy pa daterminovym hałasavańni ŭ Kanhres. Biuleteń paprasiŭ navat Papa
Ciapier čytajuć
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy5
Kamientary