Sinoptyk sprahnazavaŭ na nastupny tydzień «stabilnuju niestabilnaść»
Z 4 pa 10 žniŭnia nadvorje ŭ Biełarusi budzie pieramienlivym i niaŭstojlivym. Sinoptyk Dźmitryj Rabaŭ u efiry ANT nazvaŭ heta «stabilnaj niestabilnaściu». Na praciahu ŭsiaho tydnia čakajucca daždžy, navalnicy, paryvisty viecier, a taksama vahańni tempieratury i atmaśfiernaha cisku.
U pačatku tydnia na nadvorje buduć upłyvać atmaśfiernyja franty z zachadu. U paniadziełak i aŭtorak mahčymyja karotkačasovyja daždžy i navalnicy, tempieratura ŭdzień — ad +22 da +27 hradusaŭ, nočču — ad +14 da +19.
U sieradu i čaćvier pryjdzie chaładnavaty frant. Pavietra stanie prachałodniejšym, udzień — ad +16 da +23, nočču — ad +10 da +16. U mnohich rajonach znoŭ čakajucca daždžy i navalnicy.
U piatnicu i na vychadnych zachavajecca niaŭstojlivaje nadvorje. Miescami mahčymy tuman unačy i ranicaj. U subotu ŭdzień tempieratura składzie ad +24 na poŭnačy da +32 hradusaŭ na paŭdniovym zachadzie. U niadzielu — ad +19 na paŭnočnym zachadzie da +30 na paŭdniovym uschodzie.
Kamientary