Zamiest stajanak buduć šmatpaviarchovyja haražy, STA i zapraŭka. Jakija źmieny čakajuć Malinaŭku
Maskoŭski rajon rychtujecca da pieramien. Źmianić płanujuć cełych 105 ha ziamli, raźmieščanych na samym krai Minska, u miežach vulicy Słabadskoj — vulicy Alšanskaj — MKAD — praśpiekta Dziaržynskaha. Učastak svabodny ad siadzib i šmatpaviarchovych damoŭ.
Zamiest žylla tam sucelnyja haražy, stajanki, STA i ŭsio ŭ takim duchu. Padobnaje vykarystańnie terytoryi ličycca nieefiektyŭnym. Płan pa abnaŭleńni staličnych hiektaraŭ vynieśli na hramadskaje abmierkavańnie, piša Onliner.by.
Učastak pavinien stać miescam, zabudavanym sučasnymi (z architekturnaha boku) šmatfunkcyjanalnymi abjektami, jakija stanuć absłuhoŭvać tranzitnych pasažyraŭ. Mały biznes, modnyja handlovyja punkty — usio heta pavinna źjavicca jašče na ŭjeździe ŭ Minsk. I pavysić u tym liku inviestycyjnuju pryvabnaść łakacyi.
Što mienavita źbirajucca rabić? Terytoryju raźbili na niekalki klučavych vuzłoŭ. Na skryžavańni vulic Jasienina i Słabadskoj, dzie ŭžo doŭhija hady isnujuć płoskija stajanki, jakimi aktyŭna karystajucca miascovyja žychary, prapanujuć uźvieści šmatpaviarchovyja haražy, a taksama stajanki z ubudavanymi hramadskimi abjektami.
Maŭlaŭ, tak budzie estetyčniej, i źjaviacca novyja pracoŭnyja miescy. Na skryžavańni Słabadskoj i Rafijeva zapłanavanyja jašče bolšyja źmieny. Stajanku chočuć zamianić «abjektam administracyjna-dziełavoha i handlova-absłuhoŭvajučaha pryznačeńnia». A nasuprać novaha budynka pabudujuć zapraŭku. Navat apieratar užo viadomy — «Biełarusnafta‑Minskaŭtazapraŭka».
Prykmietna, što ŭpisać zapraŭku ŭ hetuju łakacyju administracyja rajona sprabuje ŭžo čaćviorty raz.
U 2003, 2008 i 2021 hadach miascovym žycharam užo prezientavali prajekt, i kožny raz minčanam udavałasia adchilić prapanovu. Arhumienty z boku žycharoŭ Malinaŭki byli prostyja i zrazumiełyja: abjekt budzie zanadta blizka da damoŭ i stanie stvarać zatory, da taho ž pobač i biez taho jość dźvie zapraŭki. Pahladzim, čym skončycca hramadskaje abmierkavańnie ŭ hety raz.
Abnovicca i terytoryja pa abodva baki skryžavańnia vulic Hromava i Słabadskoj. Najaŭnyja stajanki mianiajuć na šmatpaviarchovyja haražy z ubudavanymi hramadskimi abjektami, šmatfunkcyjanalnyja hramadskija abjekty, STA. A voś boksavyja haražy vyrašyli nie čapać. Jak i dyśpietčarskuju stancyju «Malinaŭka‑4». Paralelna z budaŭničymi źmienami płanujuć i ŭparadkavać zialonuju zonu.
Što datyčycca źmien u arhanizacyi transpartnaha absłuhoŭvańnia, to na pieršy etap praduhledžvajecca tolki budaŭnictva pierachodna‑chutkasnych pałos tarmažeńnia i razhonu ŭ miescy paklučeńnia Aziarcoŭskaha trakta da MKAD. A voś na raźlikovy termin płany ŭžo bolšyja:
- budaŭnictva viełasipiednaj i piešachodnaj infrastruktury ŭzdoŭž isnujučych vulic;
- pašyreńnie vulicy Hromava da šaści pałos dla ruchu ŭ abodva baki;
- budaŭnictva dadatkovych źjezdaŭ transpartnaj raźviazki na skryžavańni MKAD — vulicy Hromava z paŭdniovaha boku.
Niekatoryja miascovyja žychary ličać, što takija pieraŭtvareńni paciahnuć za saboj transpartny kałaps. I što novaja zapraŭka Malinaŭcy pa‑raniejšamu ni da čaho.
Što ž, hramadskaje abmierkavańnie prajekta startuje ŭžo siońnia. Vykazacca moža kožny. Aznajomicca z materyjałami prajekta možna na sajcie administracyi Maskoŭskaha rajona abo pa spasyłcy:
Nakiravać svaje zaŭvahi i prapanovy možna z 04.08.2025 pa 18.08.2025 pa adrasie: 220036, h. Minsk, pr. Dziaržynskaha, 10, telefon (8 017) 360‑81‑20. Elektronny adras: [email protected], z paznakaj «hramadskaje abmierkavańnie».
Kancert Maksa Karža pačaŭsia z zatrymkaj na dźvie hadziny. «Biełaruś top!» — kryčać i jon, i fanaty5
Kamientary
pa niekalkki LAP u adnym skazie
paśla vychadnyych nie apachmialilisia?
Takoha haŭna nie vydaje navat huhłtransłejt!
1) ŭžo niama tych rodnych čarnobylskich viosak adkud́ ŭ Malinaŭku panajechali.
2) ŭžo niama tych panajechaŭšych.
3) i što za balšavickija apietyty "źnieści"?
Nichto nie zaminaje samomu "źnieścisia".
Biełaruś - biaźludny pusty Kraj, hłuchamań znajści prablemy nia budzie.