Ofis Cichanoŭskaj prakamientavaŭ departacyju častki palitviaźniaŭ biez pašpartoŭ
«Učora režym Łukašenki adpraviŭ na miažu 52-ch vyzvalenych palityčnych źniavolenych. Užo paśla razmoŭ ź pieršymi ź ich, nam stała viadoma, što pierad departacyjaj u niekatorych ź ich adabrali pašparty, a ŭ Mikałaja Dziadka supracoŭniki KDB i zusim jaho parvali», — havorycca ŭ zajavie Ofisa Śviatłany Cichanoŭskaj.
«Pavodle najaŭnaj infarmacyi, supracoŭniki KDB niepasredna pierad vyjezdam kanfiskavali pašparty, zamiest jakich im vydali tolki časovyja papiery farmatu A4, jakija nie majuć prykmiet paŭnavartasnaha dakumienta, jaki paćviardžaje asobu.
Takaja praktyka režymu Łukašenki naŭprost supiarečyć mižnarodnym abaviazańniam Biełarusi ŭ halinie pravoŭ čałavieka», — havorycca ŭ zajavie Ofisa.
«Ludziej pazbavili ich nacyjanalnych pašpartoŭ i hvałtoŭna departavali. Heta nie tolki hrubaje prynižeńnie čałaviečaj hodnaści, ale i parušeńnie bazavych pravoŭ čałavieka i normaŭ mižnarodnaha prava. Biełaruś, jak kraina padpisała Mižnarodny pakt ab hramadzianskich i palityčnych pravach, abaviazanaja zabiaśpiečvać svabodu pieramiaščeńnia i pavažać prava na hramadzianstva. Ja razhladaju hetuju praktyku jak patencyjnaje parušeńnie, jakoje padpadaje pad vyznačeńnie hvałtoŭnaha pieramiaščeńnia nasielnictva, praduhledžanaje Rymskim statutam. Heta pavinna atrymać mižnarodnuju pravavuju acenku», — kaža daradca Śviatłany Cichanoŭskaj pa pravavych pytańniach Leanid Marozaŭ.
Zaraz Ofis Śviatłany Cichanoŭskaj udakładniaje ŭsie detali i maje namier pryciahnuć uvahu mižnarodnych arhanizacyj da hetaha aburalnaha parušeńnia.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary