«Starmier, brytanski mandat skončyŭsia 77 hadoŭ tamu», — napisaŭ Joaŭ Hałant u tvitary.
Ministr abarony Izraila Joaŭ Hałant zajaviŭ, što Paleścinskaj dziaržavy nikoli nie budzie
«Starmier [premjer Brytanii], brytanski mandat skončyŭsia 77 hadoŭ tamu. Tabie varta zasiarodzicca na roście isłamizmu ŭ Vialikabrytanii, a nie na Izraili», — napisaŭ kiraŭnik vajskovaha viedamstva ŭ sacsietcy Ch.
Učora Paleścinu pryznali Vialikabrytanija, Kanada, Aŭstralija i Partuhalija
U lipieni premjer-ministr Vialikabrytanii Kir Starmier zajaviŭ, što Vialikabrytanija pryznaje paleścinskuju dziaržavu, kali Izrail nie vykanaje šerah umoŭ, u tym liku nie pahodzicca na spynieńnie ahniu ŭ siektary Haza i nie prymie abaviazacielstvy pa doŭhaterminovym mirnym pracesie, jaki viadzie da stvareńnia paleścinskaj dziaržavy, jakaja suisnuje sumiesna ź Izrailem.
Izrailskaje kiraŭnictva z pačatku vajny vyklučyła takuju mahčymaść.
Premjer-ministr Izraila Bińjamin Nietańjachu raniej zajaviŭ, što pryznańnie paleścinskaj dziaržavy «ŭznaharodžvaje teror».
Prezident ZŠA Donald Tramp raniej zajaŭlaŭ, što pryznańnie paleścinskaj dziaržavy moža zaachvocić CHAMAS. Ale kali jaho spytali pra heta ŭ chodzie sumiesnaj pres-kanfierencyi z Kiram Starmieram pa vynikach jaho dziaržaŭnaha vizitu ŭ Vialikabrytaniju, Tramp tolki adznačyŭ, što ŭ jaho jość «roznahałośsi» sa Starmieram pa hetym pytańni, dadaŭšy dla bolšaj pierakanaŭčaści, što heta adno z «niešmatlikich roznahałośsiaŭ» pamiž imi.
Rašeńnie ab pryznańni paleścinskaj dziaržavy — surjoznaje źmianieńnie ŭ źniešniaj palitycy Vialikabrytanii. Na praciahu apošnich hadoŭ roznyja ŭrady krainy paśladoŭna zajaŭlali, što pryznańnie pavinna adbyvacca ŭ ramkach mirnaha pracesu i ŭ patrebny momant.
Ciapier čytajuć
Paśla biełaruskaj vioski Šnajderaŭ bolš nie biantežyć pytańnie ŁHBT. Siamja z Hiermanii, jakaja stała hierojami prapahandy, viartajecca ŭ ES11
Kamientary
Inakš heta tak... imitacyja dziejnaści.
Z samaha pačatku hety " praekt viartańnia paśla 2000 hod badziańnia" był štučnym i paśla 75-77 hod isnavańnia nazirajem krach...
Štučnaja mova ideałahičnaja hleba " sijaniźḿ" štučnaje " źbirańnie" paśla 2000hod ad Marokka da ..Buchary Bahdada
Paśla 2 śvietavoj vykarystali " momant"..i
Navat Tora Tałmud Biblija ..)) admaŭlali stvareńnie isnavańnie hetaha " praekta"