Čynoŭnik ad turyzmu narakaje, što ŭ Biełarusi vielmi kiepskija hateli
Kiraŭnik Nacyjanalnaha ahienctva pa turyźmie Dźmitryj Marozaŭ u efiry telekanała STB adznačyŭ, što hałoŭnaj prablemaj turystyčnaj śfiery ŭ Biełarusi źjaŭlajecca kiepski stan numarnoha fondu hatelaŭ.
Pa słovach Dźmitryja Marozava, u krainie da hetaha času jość šmat hatelaŭ ź vielmi ścipłymi ŭmovami — naprykład, pa canie kala 25 rubloŭ za noč, ale z vyhodami na paviersie.
Takija ŭstanovy, jakija časta adnosiacca da sistemy žyllova-kamunalnaj haspadarki, zvyčajna raźmieščanyja ŭ mienš pryvabnych dla turystaŭ rehijonach.
U toj ža čas Marozaŭ padkreśliŭ, što 2025 hod staŭ najbolš paśpiachovym u historyi biełaruskaha turyzmu z punktu hledžańnia kolkaści naviedvalnikaŭ. U mnohich miescach, dzie možna było pasialić turystaŭ, miescaŭ nie zastałosia. Ale pry hetym isnuje šmat abjektaŭ, dzie prymać ludziej faktyčna niemahčyma z-za niezdavalniajučaha stanu numaroŭ.
Asnoŭnaja ciažkaść u tym, što ramont i madernizacyja patrabujuć srodkaŭ, jakija pavinny farmiravacca z prybytku. Kali ž hatel pustuje, to niama i hrošaj na jaho ramont. A kali jon zapoŭnieny bolš čym na 85%, to taksama ciažka rabić ramont, bo niama mahčymaści zakryć častku numaroŭ.
Nacyjanalnaje ahienctva pa turyźmie, jakoje niadaŭna było pierapadparadkavana ŭradu, ciapier atrymała šyrejšyja paŭnamoctvy: jano budzie adkazvać za dziaržaŭnaje rehulavańnie, raspracoŭku i realizacyju adzinaj palityki ŭ śfiery turyzmu, kaardynacyju dziejnaści orhanaŭ ułady, pryniaćcie narmatyŭnych aktaŭ, a taksama prasoŭvańnie turystyčnaha patencyjału Biełarusi na ŭnutranym i źniešnim rynkach.
Asnoŭnyja zadačy na bližejšyja piać hadoŭ — amal u dva razy pavialičyć układ turyzmu ŭ ekanomiku i davieści jaho dolu ŭ VUP da nie mienš jak 4,5% u 2030 hodzie.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Marozaŭ, u śviecie isnuje šmat dabrasumlennych inviestaraŭ z hrašyma, ale niašmat durniaŭ, jakija hatovyja ŭkładacca ŭ zonu, u jakuju Biełaruś pieratvaryŭ škłoŭski viertuchaj.