Adnaho ź lidaraŭ strajkama «Biełaruśkalija» źmiaścili ŭ imihracyjnuju turmu ZŠA
23 vieraśnia padčas strymu Siarhieja Cichanoŭskaha sa sustrečy ź biełaruskaj dyjasparaj u Ńju-Jorku adzin mužčyna, jaki nie nazvaŭsia, paviedamiŭ, što ŭ centr dla zatrymanych źmieščany biełarus Anatol Bokun, adzin ź lidaraŭ strajkama «Biełaruśkalija». «Radyjo Svaboda» znajšło paćviardžeńnie hetaj infarmacyi.
Detention center — miesca časovaha ŭtrymańnia imihrantaŭ, dzie ich mohuć trymać, pakul nie budzie vyrašany ich los: davać jamu palityčny prytułak abo nie davać.
Paćviardžeńnie infarmacyi «Radyjo Svaboda» znajšła na aficyjnym sajcie Ministerstva ŭnutranaj biaśpieki ZŠA (U.S. Department of Homeland Security).
Anatol Bokun pracavaŭ miechanikam adździeła zhuščeńnia silvinitavaj uzbahačalnaj fabryki pieršaha rudaŭpraŭleńnia. Byŭ sustaršynioj strajkama «Biełaruśkalija».
Anatol Bokun — adzin z tych, chto ad imia strajkamu vioŭ pieramovy z kiraŭnictvam kampanii Yara, kab narviežski partnior razarvaŭ kantrakt z «Biełaruśkalijem» za represii suprać strajkoŭcaŭ. U 2020—2021 hadach jon adbyŭ 100 sutak u IČU ŭ Salihorsku i Starych Darohach.
Administracyja «Biełaruśkalija» zvolniła Bokuna «za parušeńnie pracoŭnaj dyscypliny», adnak sam jon rascaniŭ heta jak adzin z prykładaŭ represij za inšadumstva. Paźniej Bokun emihravaŭ u ZŠA i padaŭ dakumienty na atrymańnie palityčnaha prytułku.
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk77
Kamientary
Pierajmacca za los psieŭdapalitviaźniaŭ, dy inšaj ahientury - nie varta času vialikaha Zbaŭcy biełaruskaj nacyi ŭ vyhnańni.
Pra Cichanoŭskaha, jaki taksama padtrymlivaje Trampa, vy takoje nie pišacie. Tolki pra Paźniaka.