Takarčuk: Cichanoŭski paprasiŭ mianie nie havaryć pra jaho na maim kanale
Paśla videa z krytykaj Siarhieja Cichanoŭskaha, pa słovach błohierki, jana atrymała ad jaho tolki adno pasłańnie.
Błohierka i byłaja palitźniavolenaja Volha Takarčuk u lipieni rezka vykazałasia pra dziejańni Siarhieja Cichanoŭskaha ŭ zvarocie na svaim jutub-kanale. Ciapier jana raskazała, jakuju reakcyju atrymała ad jaho kamandy.
«Ja nie spadziavałasia być pačutaj. (…) I vielmi škada, što tady (paśla vyzvaleńnia i departacyi. — NN) Siarhiej nie pasłuchaŭ ludziej, jakija byli pobač i nasamreč žadali jamu dobraha, žadali jamu nie stracić svoj tvar pierad biełarusami, nie stracić siabie. Pahladzieć naviny, pačytać, što adbyvałasia za tyja piać hadoŭ, jakich jaho nie było.
Ale adno pasłańnie Siarhiej mnie pieradaŭ. Jon paprasiŭ mianie nie havaryć pra jaho na maim kanale. (…) Inakš ja nie budu pracavać na jahonym kanale».
Takarčuk tłumačyć, što śviadoma nie śpiašałasia z publikacyjaj novaha videa. Jana chacieła vykanać abaviazacielstvy pierad kamandaj prajekta «Viečarovy kiefir», jaki viała na kanale «Strana dla žiźni». Ciapier, kali prajekt skončany, jana rašyła vykazacca.
Takarčuk dadała:
«Kab vy ŭsie razumieli, ja pryjšła ŭ «Viečarovy kiefir» na jahony kanał, kali Siarhiej jašče siadzieŭ. Finansavańnie vydzialaŭ nie Siarhiej. I za vypuski płaciŭ nam taksama nie Siarhiej. I na maim kanale mnie nichto nie aśmielicca zakryvać rot».
Takarčuk vyliła viadro ledzianoj vady na Cichanoŭskaha: Apuści siabie da ŭzroŭniu ludziej!
«Ja dziejničaŭ paśpiešliva i dapuściŭ niekalki pamyłak». Siarhiej Cichanoŭski zapisaŭ videa pra 100 dzion na voli
«Moj tata nie vytrymaŭ by Akreścina». Volha Takarčuk raskazała pra aryšt u 2021-m, Vaładarku, kałoniju, paŭtornaje zatrymańnie i vymušanyja ŭcioki ź siamjoj u 2024-m
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ92
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary
Mianie ździŭlaje, jak Siarhiej dazvalaje takim asobam karystacca jaho kanałam.
Ci Takarčuk i ko adabrali jaho kanał i nie addajuć jamu?
Adbyŭsia rejdarski zachop kanała Cichanoŭskaha hrupaj asobaŭ?
Na ŭsich zastaŭkach kanała... tvar Łukašenki. Brydka hladzieć. Jak byccam ździek. Byccam Łukašenka zachapiŭ infapaviestku na kanale, pakul Siarhiej pakutvaŭ u turmie.
Ci pra takoje jon maryŭ za kratami, što sustrenie ŭ dyzajnie svajho kanała nie svabodnuju Biełaruś i svabodnych biełarusaŭ, a ... rožu Łukašenki. Sotni rož Łukašenki.