Na Kamaroŭskim rynku pradajuć hryby pa 450 rubloŭ. Za što takaja cana?
U Minsku jašče možna nabyć hryby — naprykład, na Kamaroŭskim rynku pradajuć i sušanyja, i salonyja, i śviežyja. Adnak cana na niekatoryja vidy hryboŭ dachodzić da 450 rubloŭ.
Žurnalisty vydańnia «Točka» pabačyli na pryłaŭkach Kamaroŭskaha rynku sušanyja hryby pa 450 rubloŭ. Admietna, što jany prajšli praź śpiecyjalny kantrol i radyjeaktyŭnych rečyvaŭ u ich vyjaŭlena nie było. Ale ŭ łabaratoryju ich zdavali jašče 4 śniežnia 2024 hoda.
Pradavačka patłumačyła, što sušanyja hryby pa pamiery ŭ 10 razoŭ mienšyja za śviežyja, tamu ich i prapanujuć kuplać pa takoj canie.
Inšyja pradaŭcy taksama vystaŭlajuć sušanyja hryby za pryblizna takuju ž canu: 350‑400 rubloŭ za kiłahram.
«Točka» udakładniła, što ŭ pačatku kastryčnika takija sušanyja biełyja hryby kaštavali 300‑350 rubloŭ za kiłahram, a ciapier — na 100 rubloŭ daražej.
Tym časam śviežyja machaviki i polskija baraviki kaštujuć pa 15 rubloŭ za kiłahram, padzialonki i zialonki — pa 20. Ale taksama jość zialonki pa 5 rubloŭ za litr.
Biełyja hryby kaštujuć 70—120 rubloŭ za kiłahram. Zvyčajnyja šampińjony pradajucca za 9, 5‑12 rubloŭ.
Salonyja apieńki i čornyja hruzdy kaštujuć pa 60 rubloŭ, maślaty — pa 70, hruzdy i ryžyki — pa 100, baraviki — pa 120.
Kamientary