Alaksandr Łukašenka «ciapier raptam staŭ vielmi havarkim u ŚMI, pakazvaje, jaki jon dobry da našaha naroda. Ale nam jahonaja dabrynia ŭ čatyry ranicy z rakietami» [prylacieła], — zajaviŭ 7 listapada Uładzimir Zialenski.
«Łukašenku nielha zabyvać. Ciapier jon raptam staŭ vielmi havarkim u ŚMI, pakazvaje, jaki jon dobry da našaha naroda. Ale nam jahonaja dabrynia ŭ čatyry ranicy, z rakietami, jakaja pryjšła, — zajaviŭ na bryfinhu 7 listapada Uładzimir Zialenski. — Nam jana nie patrebna. I kali jon dumaje, što svaimi słovami zmoža krychu zahavaryć našu pamiać, my maładyja ludzi, usio cudoŭna pamiatajem. I jon usio roŭna budzie płacić za toje, što zrabiŭ, a mienavita — dapuściŭ nastup sa svajoj terytoryi.
Pačatak poŭnamaštabnaj vajny prylacieŭ pa nas z terytoryi Biełarusi. Nichto heta zabyvać nie budzie», — cytujuć Uładzimira Zialenskaha ŭkrainskija ŚMI.
Jon paŭtaryŭ, što nie razhladaje Biełarusi ŭ jakaści miesca viadzieńnia pieramovaŭ. Pry hetym, pavodle słoŭ Zialenskaha, Ukraina vystupaje za pieramovy ŭ lubym farmacie, kali jany sapraŭdy pryniasuć vynik.
«Biezumoŭnaje vyklučeńnie — heta terytoryja Rasii i Biełarusi», — padkreśliŭ jon.
Padčas vizitu ŭ Vašynhton prezident Kazachstana Kasymžamart Takajeŭ prapanavaŭ svaju krainu ŭ jakaści placoŭki dla dalejšych pieramovaŭ. Raniej ukrainskaja i rasijskaja delehacyja sustrakalisia ŭ tureckim Stambule.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j19
Kamientary