Viadomy amierykanski spartoviec paviedamiŭ, što jahony novy sabaka — kłon staroha
Byłaja zorka amierykanskaha futbołu Tom Bredzi paviedamiŭ, što jahony sabaka pa mianušcy Džuni — kłon raniej pamierłaj sabaki Łua, stvorany kampanijaj Colossal Biosciences z Dałasa. U hetuju kampaniju sam kaliści słavuty spartoviec taksama ŭkładaŭ hrošy, piša The Guardian.
Łua, mietys parody pitbul, žyŭ u siamji Bredzi i jaho byłoj žonki Žyžel Biundchien i pamior u śniežni 2023 hoda. Uzor kryvi dla kłanavańnia byŭ uziaty jašče da śmierci Łua.
«Ja vielmi lublu svaich žyviolinaŭ, jany značać dla mianie i majoj siamji nadzvyčaj šmat. Niekalki hadoŭ tamu my supracoŭničali z Colossal, jakaja vykarystała ich biazbolnuju technałohiju kłanavańnia praz prosty analiz kryvi našaha staroha sabaki pierad tym, jak jon pamior», — skazaŭ Brejdzi.
Jon dadaŭ, što kampanija «dała jahonaj siamji druhi šaniec», i vykazaŭ nadzieju, što abjadnańnie technałohij kampanij Colossal i Viagen «dapamoža jak siemjam, jakija stracili lubimych chatnich žyvioł, tak i prajektam u vyratavańni redkich vidaŭ».
Colossal niadaŭna nabyła kampaniju Viagen Pets and Equine, jakaja ŭžo zajmałasia kłanavańniem chatnich žyvioł dla znakamitaściaŭ — u tym liku Barbary Strejzand i Perys Chiłtan. Viagen maje licenzii ad Instytuta Roślin u Edynburhu, dzie ŭ 1996 hodzie była stvoranaja šlacham skanavańnia znakamitaja aviečka Doli.
Colossal, zasnavanaja ŭ 2021 hodzie, viadomaja taksama svaimi prajektami pa «devymirańni» — jana pracuje nad adradžeńniem šarścistaha mamanta i ptuški dado.
Jak śćviardžajecca, kłanavańnie sabaki ŭ Viagen kaštuje ad $50 000 da $85 000.
Sam Tom Bredzi, siamirazovy čempijon Supierboŭła i ciapierašni kamientatar telekanała Fox Sports, skazaŭ, što Džuni «nie navukovy ekśpierymient, a paŭnapraŭny člen siamji».
Adrodžanyja lutavaŭki Romuł i Rem adznačyli svoj pieršy dzień naradžeńnia
Navukoŭcy ŭvaskrasili lutavaŭkoŭ ź sieryjała «Hulnia tronaŭ»
Navukoŭcy stvaryli «šarścistuju myš» z prykmietami mamanta. Mahčyma, praź niekalki hadoŭ adrodziać i vymierłaha hihanta
Navukoŭcy abjavili pra prahres u adradžeńni mamanta. Ale navošta jaho adradžać?
Kamientary