Kiraŭnik MUS Litvy: Chutka adbudziecca sustreča litoŭskaha i biełaruskaha bakoŭ nakont kantrabandy
«My havorym pra kryminalnuju źjavu, tut niama nijakaj palityki».
Ministr unutranych spraŭ Litvy Uładzisłaŭ Kandratovič zajaviŭ, što ŭ bližejšy čas adbudziecca techničnaja sustreča litoŭskaha i biełaruskaha bakoŭ, na jakoj buduć vyrašać pytańnie pavietranaj kantrabandy, piša Delfi.
«Ja spadziajusia, Biełaruś zrazumieła, što nie vybiarecca z hetaj situacyi, bo mieterazondy ź biełaruskaj terytoryi pa-raniejšamu zapuskajuć. (…) My bačym, što kryminał dziejničaje pa abodva baki miažy, tamu naturalna, što słužačym jość pra što pahavaryć. Jany zrobiać heta ŭ bližejšy čas», — skazaŭ žurnalistam Kandratovič.
«My havorym pra kryminalnuju źjavu — kantrabandu, tut niama nijakaj palityki. Treba vyrašyć hetaje pytańnie, kab była abaroniena naša pavietranaja prastora, kab ništo nie pahražała našaj hramadzianskaj avijacyi i hramadstvu», — skazaŭ palityk.
Učora prezident Litvy Hitanas Naŭsieda jakraz zajaviŭ pra hatoŭnaść da pieramoŭ ź Biełaruśsiu, ale tolki na techničnym uzroŭni.
Jon raskrytykavaŭ prapanovu Minska vieści pieramovy na ŭzroŭni dypłamataŭ zamiest techničnych kantaktaŭ — heta, na jaho dumku, vyhadna tolki Łukašenku. «Ja miarkuju, što havorka idzie ab žadańni pahavaryć pra admienu sankcyj — rečy, jakija, biezumoŭna, byli b smačnymi, dobrymi «prysmakami» dla Łukašenki», — skazaŭ prezident Litvy.
-
Dvoje biełarusaŭ, jakija mieli suviazi z rasijskaj vajskovaj pramysłovaściu, pryznali svaju vinu ŭ Litvie
-
«Kab uvieś śviet havaryŭ pa-rusku, vyvučajcie aŭtamat Kałašnikava». U Rasii ŭdzielnik vajny daŭ nakaz školnikami 1 vieraśnia
-
Praz 30 hadoŭ sud nazvaŭ vinavataha ŭ zabojstvie Tupaka Šakura — adnaho z samych upłyvovych repieraŭ u historyi
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja9
Kamientary